නුඹ පුර අගනක්ය !!!

විසැස් කමල නෙතු ඇරයුම් නොකලාද
දසිස් දුනි කිමැයි කවරෙක් ඇසුවාද
වෙසෙස් අමයුරෙන් ඔද වැද අවලාද
සහස් එක් නමුත් දස අත නින්නාද

සහසක් පැතුම් කැටි කරගත් රහසක්ය
රහසක් තෙපළ මුව ගෙට මිණි පහනක්ය
පහනක් දැවී ඇරයුම් කල නිවනක්ය
නිවනක් පැතූ මුත් නුඹ පුර අගනක්ය

මඟ නොහැර හැර යන්නම්
මඟ හැරී ගිය අතීතේ
දවසක් සොයා නොගිහින්
මඟ නොහැර හැර යන්නම්

හන්තාන කළුවරයි

සුසුම් සළු උනා දමා
තුරුළු වෙමුද දේවී
අපි අපෙන් පැන යමුද හවසක
නුඹ එනවද පේවී

නුඹ හාන්කවිසියේ ඇවිදින් 
කියන කථාවේ
අරුතක් සොයා නොයමි
හිත පපුවට රිදුනාවේ

හන්තාන මල්වරයි
සඳ වියපත් වෙලා නොවෙයි
මට ඉතින් අවසරයි
අද හන්තාන කළුවරයි