tag:blogger.com,1999:blog-43469327544636647412024-03-08T06:12:47.942-08:00මයෝගේ ලෝකය...................Unknownnoreply@blogger.comBlogger150125tag:blogger.com,1999:blog-4346932754463664741.post-24419184530001969642023-11-07T23:37:00.005-08:002023-11-07T23:37:27.339-08:00<p><b><i>ඉතින් අපි හිනැහෙමුද තව දවසක්</i></b></p><p><b><i>ඉතින් අපි සැනහෙමුද තව මොහොතක්</i></b></p><p><b><i>සඳත් ඇති අහසට වෙලා</i></b></p><p><b><i>අපේ මතකෙන් සැඟවිලා</i></b></p><p><b><i>පුරුදු කළුවරටම වෙලා</i></b></p><p><b><i>හඬනවා ඇති මඟ බලා</i></b></p><p><b><i>ඉතින් අපි කොඳුරමුද එක රහසක්</i></b></p><p><b><i><br /></i></b></p><p><b><i>පැතුම් පොදිබැඳ අතින් අත අල්ලා</i></b></p><p><b><i>හිස් කතාවක මතක පොදි බැන්දා</i></b></p><p><b><i>දුරින් ඉඳගෙන නෙතින් නෙත පටලා</i></b></p><p><b><i>ආයෙමත් රහසින් සුසුම් හෙළුවා</i></b></p><p><b><i><br /></i></b></p><p><b><i>සිතුම් අහසක ලිහිණි තටු සලලා</i></b></p><p><b><i>ගිගුම්ලන වැහි සිතුවමක ඇන්දා</i></b></p><p><b><i>සහන් සුළඟක මතක දිය කරවා</i></b></p><p><b><i>පාළුවේ හිත කෑ ගසා හැඬුවා</i></b></p><p><b><i><br /></i></b></p><p><b><i>~~ මයෝ ~~</i></b></p>Unknownnoreply@blogger.com0tag:blogger.com,1999:blog-4346932754463664741.post-35976938722313335612023-11-07T23:36:00.007-08:002023-11-07T23:36:48.597-08:00<p><b><i>අඳුරු අහසට දරාගන්නට බැරි තරම් </i></b></p><p><b><i>සුසුම් බර වැඩි හින්දා</i></b></p><p><b><i>තිසා වැව උතුරා ගලන්නට යන තරම්</i></b></p><p><b><i>අමාවක අහසම සිනාසී හැඬුවා</i></b></p><p><b><i><br /></i></b></p><p><b><i>ගව් ගණන් දුර තවත් අහසක</i></b></p><p><b><i>සඳක් පායා දිලුනා</i></b></p><p><b><i>එදා වාගෙම වැව් තලාවට </i></b></p><p><b><i>මට වඩා දුක හිතුණා</i></b></p><p><b><i>මගේනම් හිත හැදුණා</i></b></p><p><b><i><br /></i></b></p><p><b><i>මන් තලාවේ පුරුදු නුපුරුදු</i></b></p><p><b><i>ස්නේහයේ මල් පිපුණා</i></b></p><p><b><i>අමාවක සඳ මටත් රහසින්</i></b></p><p><b><i>සුසුම්ලනවා ඇසුණා</i></b></p><p><b><i>මගේනම් හිත හැදුණා</i></b></p>Unknownnoreply@blogger.com0tag:blogger.com,1999:blog-4346932754463664741.post-59639835216742294862023-11-07T23:36:00.000-08:002023-11-07T23:36:06.355-08:00ඒක වෙන විදියක්ලු කාශ්යපගෙ ආදරේ<p><b><i>සීගිරියෙ බිත්තියක මැද්දෙ සුද මැදපූ</i></b></p><p><b><i>තිබුණා එක ලියමනක් කාටදෝ ලියපූ</i></b></p><p><b><i>මල් කඩන් එන වෙලේ හදිසියේ ගොතපූ</i></b></p><p><b><i>ඒක වෙන විදියක්ලු ආදරේ කියපූ</i></b></p><p><b><i><br /></i></b></p><p><b><i>රජ්ජුරුවො හදපු වැව් ඉස්මත්තෙ පාරේ </i></b></p><p><b><i>ඔළුව වැදුනද උබේ දෝලාවෙ දාරේ </i></b></p><p><b><i>පැනගන්න බැරි වුණත් සීගිරියේ බෝඩරේ </i></b></p><p><b><i>කොටුවෙ බෝ ගහ යටත් තිබුණාලු ආදරේ </i></b></p><p><b><i><br /></i></b></p><p><b><i>කියවගෙන යන ගමන් පත්තරේ විස්තරේ</i></b></p><p><b><i>මැද පිටුවෙ හම්බුණා කාශ්යපගෙ මන්දිරේ</i></b></p><p><b><i>උසාවියෙ මොර දෙද්දි කළු කබා චන්දරේ</i></b></p><p><b><i>ඒක වෙන විදියක්ලු කාශ්යපගෙ ආදරේ</i></b></p><p><b><i><br /></i></b></p><p><b><i>~~ මයෝ ~~</i></b></p>Unknownnoreply@blogger.com0tag:blogger.com,1999:blog-4346932754463664741.post-48671416619304174152023-11-07T23:34:00.000-08:002023-11-07T23:34:01.502-08:00 කාශ්යපට රැවටුනා වෙන්ඩැති මල් කඩපු ගෑණූ !!!<p><b><i>අඳුරු කාමර වලට රිංගන මාළිගා හීන</i></b></p><p><b><i>ලෑලි බෝඩින් මන්දිරේ රෑ තොල් පාට කරන</i></b></p><p><b><i>ජුකී මැසිමට පුරුදු කකුලට හයි හීල් ගාන</i></b></p><p><b><i>ගෙදර යනකොට වහන් පලයන් මූසලලු මූණ</i></b></p><p><b><i><br /></i></b></p><p><b><i>ආට් ගැලරියෙ මොනාලීසට දෙදාහක් දීලා</i></b></p><p><b><i>හැට්ටෙ පොඩ්ඩක් පාත් කරමුද ඇහුවෙ සිකුරිටිලා</i></b></p><p><b><i>ඩිස්නිලන්තෙට ගියත් අරගෙන පොප් කෝන් කවලා</i></b></p><p><b><i>මුහුදෙ නැව් ගිය පාරවල් නෑ කොන්ක්රීට් කරලා</i></b></p><p><b><i><br /></i></b></p><p><b><i>ලයිට් කණු වල එළිය වැටුනම කොටුවෙ කුණු කානූ</i></b></p><p><b><i>හිතුවෙ ෆිල්ටර් කෙරුවා කියලලු විස ම පරමාණූ</i></b></p><p><b><i>කළුවරේ උන් එකතු කෙරුවට වීසි වුණු රේණූ</i></b></p><p><b><i>කාශ්යපට රැවටුනා වෙන්ඩැති මල් කඩපු ගෑණූ</i></b></p><p><b><i><br /></i></b></p><p><b><i> ~~ මයෝ ~~</i></b></p>Unknownnoreply@blogger.com0tag:blogger.com,1999:blog-4346932754463664741.post-76631482551973048312023-11-07T23:33:00.001-08:002023-11-07T23:33:10.192-08:00බලන් ඉන්නට බැරිම තැන් වල බලන් හිටියලු අම්මලා<p><b><i>මහන් හීරුනු සිල් රෙද්දෙ හිල් නූල් පොටකින් අමුණලා </i></b></p><p><b><i>සිල් ගන්න ගිය දාට පාළුයි ලිපෙත් ඇස් දෙක තෙත් වෙලා </i></b></p><p><b><i>මුට්ටියේ දංකුඩේ හූරන් රාජ භෝජන වළඳලා </i></b></p><p><b><i>බලන් ඉන්නට බැරිම තැන් වල බලන් හිටියලු අම්මලා</i></b></p><p><b><i><br /></i></b></p><p><b><i>කාන්තාරෙක වැලි තලාවක තොල් හපාගෙන වැතිරිලා </i></b></p><p><b><i>වතුර එනකන් මිරිකගෙන වැලි මොණරු මල්ලක පටවලා </i></b></p><p><b><i>අරන් ඇවිදින් සව්දි චොකලට් ගෙදර උන් ටික සනසලා </i></b></p><p><b><i>බලන් ඉන්නට බැරිම තැන් වල බලන් හිටියලු අම්මලා </i></b></p><p><b><i><br /></i></b></p><p><b><i>දානෙ අරගෙන ගිහින් එනකොට මූණ තිබුණෙම මැලවිලා</i></b></p><p><b><i>ණය පොතේ පිටු ඉරෙන ගානට කඩේ දොර අඩවල් කලා</i></b></p><p><b><i>දැලි පිහාගෙන උඩ බලාගෙන පිලේ අයිනක ඇලවෙලා</i></b></p><p><b><i>බලන් ඉන්නට බැරිම තැන්වල බලන් හිටියලු අම්මලා</i></b></p>Unknownnoreply@blogger.com0tag:blogger.com,1999:blog-4346932754463664741.post-28773582718489710432023-11-07T23:32:00.001-08:002023-11-07T23:32:07.445-08:00<p><b><i> "ගොඩක් වෙලාද ඇවිත්?"</i></b></p><p><b><i>"මම ආව වෙලාව ඔයා දන්නවා"</i></b></p><p><b><i>ඔව් ඇත්තටම මම ඒ වෙලාව දන්නවා.මොන වැඩ තිබුණත් මම එයාට කලින් හැමදාම එනවා,මේ බංකුව උඩ අපිට ගෙවන්ඩ තියෙන එක විනාඩියක්වත් නැති කරගන්ඩ මට වුවමනාවක් නැති හින්දා.</i></b></p><p><b><i>"ඔව් මම ඇවිත් හිටියෙ"</i></b></p><p><b><i>"මගෙ හොර අල්ලන්න හදනවද හැංගිලා බලන් ඉඳන්?"</i></b></p><p><b><i>"හොරු අහුවෙන්ඩ හොරකම් කරන්නෙ නෑ කියලා මන් දන්නවා."</i></b></p><p><b><i>මට බොරුවක් කරන්ඩ හේතු එයාට නෑ.එයාට බොරු කරන්ඩ මට හේතුත් නෑ.මේක සිද්ද උනේම එහෙමයි.</i></b></p><p><b><i>"මේ අපි අවුරුදු ගාණක් හම්බ වෙන බංකුව. ඒ හැමදාම මන් ඔයාට කලින් මෙතන්ට ආවා. ඔයා ඒක දන්නෙත් නැතුව ඇති".</i></b></p><p><b><i>"මන් ඒක දන්නවා කියලා ඔයත් දන්නවා"</i></b></p><p><b><i>මට තියෙන්නෙ හිතන්ඩ විතරයි.කියන්ඩ කලින් එයා ඒක දන්නවා. </i></b></p><p><b><i>"ඇයි මාව අමතක කරන්නෙ නැත්තෙ?"</i></b></p><p><b><i>"ඇයි මාව අමතක කරන්නෙ නැත්තෙ?"</i></b></p><p><b><i>අපි මුහුද දිහා බලන් හිටියා.වෙනදා වගේම.මගෙ උරහිස උඩින් ඔළුව තියාගෙන ඉන්ඩ තමයි එයා ආසම.මන් මුකුත් කිව්වෙ නෑ.</i></b></p><p><b><i>"ඔයාට මතකද අපි අන්තිමට හම්බුණ දවස?"</i></b></p><p><b><i>"අපි තව දවසක් ඉඳලා යන්ද කියලා අහපු බණ්ඩාරවෙල හෝටලේ. අපිට තව දවසක් ඉන්ඩ තිබ්බා"</i></b></p><p><b><i>"ඒ අපි හම්වෙන අන්තිම දවස කියලා දැනන් හිටියනම් මම එදා ආපහු එමු කියන්නෙ නෑ කියලා අපි දෙන්නම දන්නවා"</i></b></p><p><b><i>"නේද?"</i></b></p><p><b><i>"හ්ම්ම්"</i></b></p><p><b><i>ඊට වඩා මොනව කියන්නද. ඒ ගමන මට ජීවිතේට අමතක කරන්ඩ බැරි ගමනක්.අපිට ඕන කරපු හැමදේම අපිට හම්බුණ ගමනක්.අපිට ඕන නොකරපු එකම දේත් අපිට හම්බුණ ගමනක්.මම කොළඹින් පිටත් වෙලා නුවරට යද්දි හතරට විතර ඇති.</i></b></p><p><b><i>"හෙලෝ,මම මාළිගාව ලඟ"</i></b></p><p><b><i>"මම එනගමන් පැටියො,විනාඩි දෙකක් දෙන්න"</i></b></p><p><b><i>පල්ලියෙන් කියලා තිබ්බ,අම්මලා හුරුකරලා තිබ්බ, නීතියක් වෙලා තිබ්බ සල්වාර් එකෙන්,මූණ පොඩ්ඩක් පේන්ඩ කටු ගොඩක් ගහලා ඔළුවෙ පටලපු රෙදි කෑල්ලෙන් අයින් වෙලා ඩෙනිමයි ටීශර්ට් එකකුයි ඇඳගෙන කුරුල්ලෙක් වගේ පියාඹන්න පුළුවන් ගෙදරකට කසාද කොළේක ලියලා එයා එතකොටත් ගිහින්.</i></b></p><p><b><i>එයා වැව ඉස්සරහින් ඇවිත් වාහනේ දොර අරිනකල් මට එදා මාළිගාව ලඟ තිබුණ කිසිදෙයක් පෙනුනෙ නෑ.මම එයාගෙ නොදැකපු දෙයක් නෑ.හැබැයි ඒ විනාඩි දෙකට පෙනුන තරම් ලස්සනක් මට ඊට කලින් එයාගෙ පෙනිලා නෑ.සමහරවිට ඒ අපේ අන්තිම හමුවීම හින්දද කියලා මට අදටත් හිතෙනවා.</i></b></p><p><b><i>"මොනවද බලන්නෙ?"</i></b></p><p><b><i>"ලස්සන"</i></b></p><p><b><i>"මේක හොර ගමනක්ද?"</i></b></p><p><b><i>"නෑ නේද?"</i></b></p><p><b><i>එතනින් එහාට එයා මගෙ අතින් අල්ලගෙන හිටියා විතරයි.කොහෙද යන්නෙ,කවදද එන්නෙ කියලා අහන්ඩ වුවමනාවක් එතනින් එහාට අපිට තිබ්බෙ නෑ.</i></b></p><p><b><i>අපි හොටෙල් එකට එද්දි අපිව පිළිගන්න,අපේ බෑග් ටික කාමරේට දාන්න පොඩි කොල්ලෙක් වාහනේ ලඟට දුවගෙන ආවා.ඌ මට ආයුබෝවන් කියලා හොරෙන් බල බල හිටියෙ එයාගෙ ලස්සන.ඇත්තටම මට ආඩම්බරයි වගෙත් හිතුණා.</i></b></p><p><b><i>"මේකෙ හොට් වෝටර් වැඩ නෑනෙ පැටියො,පොඩ්ඩක් බලන්නකො"</i></b></p><p><b><i>එයා වොශ් රූම් එකේ ඉඳන් කෑගහනකොට මම ෆෝන් එක ඕෆ් කලා විතරයි.</i></b></p><p><b><i>ඒ අපි එකට නාපු පළවෙනි දවස නෙමෙයි.එකම දවසත් නෙමෙයි.හැබැයි අන්තිම දවස වෙන්න එපා කියලා අපි දෙන්නම හිතුවා.</i></b></p><p><b><i>"මුස්ලිම් සුවඳයි"</i></b></p><p><b><i>" අහ් ඇත්තට,ඒ මොන සුවඳක්ද ඒ?"</i></b></p><p><b><i>අපි අස්සෙන් වතුරට වැටෙන්න ඉඩක් නෑ.</i></b></p><p><b><i>ඇත්තටම අපිට උණුවතුර ඕනි වුණේ නෑ.එතනින් එහා අපිට කිසිදෙයක් ඕනි වුණේ නෑ ඒ දවස් දෙකකටම.</i></b></p><p><b><i>"අපි දැන් යන්ඩම ඕනෙද?"</i></b></p><p><b><i>"ම්ම්,ඔයා හෙට යන ගමන යන්ඩම ඕනෙ හින්දා,"</i></b></p><p><b><i>එහෙම කියාගෙන බෙඩ්ශීට් එක අයින් කරලා නැඟිටලා එයා මගෙ ටීශර්ට් එකක් දාගත්තා.</i></b></p><p><b><i>"මහත්තයා මීදුමනම් වැඩියි,මේ වෙලාවෙ යනවට වඩා හෙට උදේ ගියානම් හොඳයි කියලත් හිතෙනවා"</i></b></p><p><b><i>එහෙම කිව්වෙ අපේ බෑග් ටික වාහනේට දාන ගමන් හොටෙල් එකේ කොල්ලා.ඒක එහෙම වෙන්ඩ තිබුණා.එහෙම නම් අද මෙහෙම නොවෙන්ඩ තිබුණා.</i></b></p><p><b><i>"අපිට හෙට උදේ පොඩි වැඩක් තියෙනවා.අපි හෙමින් යන්න බැලුවේ."</i></b></p><p><b><i>"හොඳයි සර්,පරිස්ස්මට එහෙනම්"</i></b></p><p><b><i>හිනාවක් දාල කොල්ලගෙ අතින් රුපියල් පන්සීයක් තියලා අපි හවස පහට විතර හෝටලෙන් පිටත් වුණා. ඒ මට පහුවදා එයාගෙන් ඈත් වෙලා අවුරුදු ගාණකට සෑහෙන දුරකට යන්ඩ තිබුණ හින්දා.</i></b></p><p><b><i>අපි හෙමින් කඳු ටික බැහැගෙන එනකොටත් එයා එද්දි හිටියා වගේම මගෙ අතින් අල්ලගෙන.කතාකරන්න ගියොත් එයා අඬනවා කියලා මම දන්නවා.</i></b></p><p><b><i>අපි දෙන්නම කොළඹට ගිහින් අඬමු කියල මගෙ හිතට කියාගත්තා.</i></b></p><p><b><i>"ඔව් අපි කොළඹට ගිහින් අඬමු"</i></b></p><p><b><i>එයා මන් දිහා බලල අත කොනිත්තලා එහෙම කිව්වා.</i></b></p><p><b><i>"අනේ අයියේ,මගෙ නෝනව ඉක්මනට ඉස්පිරිතාලෙකට ගෙනියන්ඩ,එයාට සිහිය නෑ"</i></b></p><p><b><i>මට මතක එච්චරයි. එතකොටත් සෑහෙන මිනිස්සු ගොඩක් වාහනේ වටේ ඉන්නවා කියලා මට දැණුනා.</i></b></p><p><b><i>සිහිය ඇවිත් ඉස්පිරිතාලෙන් ගෙදර එනකොට, එයා මම ආසම සල්වාර් එක ඇඳලා,ඔළුවට හිර වෙන්න කොණ්ඩ කටු ගොඩක් ගහලා අපි හනිමූන් එකට ගිය වෙලේ කාමරේදි මම ගත්ත ෆොටෝ එකකට අම්මලා සුදු මල් මාලෙ දාල තිබුණා.</i></b></p><p><b><i>රෑ අටහමාරයි,අපි තවම බංකුව උඩ.එයා මගෙ උරහිස උඩ. එදා වගේම මුහුද දිහා බලාගෙන.</i></b></p><p><b><i>~~ මයෝ ~~</i></b></p>Unknownnoreply@blogger.com0tag:blogger.com,1999:blog-4346932754463664741.post-37278785978511582002023-11-07T23:31:00.002-08:002023-11-07T23:31:12.969-08:00 වැටෙයිද දන්නෑ !<p><b><i>එදා මම එල්ලුන </i></b></p><p><b><i>ෆුට් බෝඩ් පඩියෙම</i></b></p><p><b><i>මගෙ එකත් එල්ලිලා</i></b></p><p><b><i>"නෑ නෑ"</i></b></p><p><b><i>ඒක දැන් දිරල</i></b></p><p><b><i>කතිර වලටම </i></b></p><p><b><i>හීරිලා</i></b></p><p><b><i>~~ මයෝ ~~</i></b></p>Unknownnoreply@blogger.com0tag:blogger.com,1999:blog-4346932754463664741.post-74375654031168363892023-11-07T23:30:00.001-08:002023-11-07T23:30:18.460-08:00<p><b><i> "තියෙන වනචරකම"</i></b></p><p><b><i>කියාගෙන ඒකි ආපහු හැරුණෙ මගෙ අතේ තිබුණ ලණුවයි පොහොර උරෙයි අතට අරගෙන.මම ගොයම් මිටිය ඔළුවෙ තියාගෙන කමත පැත්තට හැරුණා.</i></b></p><p><b><i>"නැතුව ඉතින් වෙන මොකක්ද?" </i></b></p><p><b><i>යායෙ එහා කෙළවරේ ඉඳන් මෙහා කෙළවරේ කමතට ගොයම් මිටිය කරගහගෙන එන්ඩ අමාරු හින්දා හැමදාම අපි කරේ මඟින් මඟට ගොයම් මිටිය මාරු කරගත්ත එක. ඒක ලේසියි.ලේසියටත් වැඩිය ඒක වාසියි,එදා ඉඳලම.</i></b></p><p><b><i>කුඹුර පැත්තෙ ඉඳන් අරන් එන උන්ගෙන් අපි කමත පැත්තෙ ඉඳන් ගිහින් මැද නියරකදි ගොයම් මිටිය මාරු කරගන්නවා.ලණුව එළලා ඒකට උඩින් පොහොර උරයක් තියලා කරල් ටික දෙපැත්තට වෙන්ඩ තියලා ගොයම් මිටිය බඳින එක,ඒ ගහන ගැටේ වෙනම කලාවක්.කමතට ගොයම් මිටිය දානකොට ලෙහලා ගොඩ ගහන්ඩ ඉන්න උන්ගෙන් ලණුවයි පොහොර උරෙයි අරගෙන අනිත් අතට දුවගෙන යන්නෙ ඒකිගෙ ගොයම් මිටිය වෙන එකෙක්ට ගන්ඩ දෙන්ඩ තියෙන ලෝබකමට. </i></b></p><p><b><i>ඇඳන් ඉන්න ගවුමට උඩින් උන්ගෙ තාත්තගෙ කිහිල්ලක් ඉරිච්ච පරණ අත් දිග කමිසෙකුත් ඇඳගෙන,වෙසක් එකට තොරණ් බලන්ඩ ගිහින් එද්දි ගත්ත තොප්පියක්ද කොහෙදත් දාගෙන උදේ ඉඳන් අව් කාස්ටකේ පිච්ච් පිච්චි හිටියත් ඒකිගෙ ලස්සනේ අඩුවක් නෑ.ඔව් ඒකි දැන් මෝරලා.ඉස්සර හිටිය චූටි කෙල්ල නෙමෙයි,ළමයි දෙන්නෙක් ඉන්න මහ ගෑණියෙක්.කමිසෙ ගැලවෙච්චි උඩ බොත්තම අස්සෙන් ලාවට පේන,කමිසෙන් වැහිච්ච පපුව දකින ඕනෙ එකෙක්ට ඒකිගෙ මිනිහට තියෙන දාංගලේ හිතාගන්ඩ අමාරු නෑ.දාඩිය සුවඳට ගොයම් කරල් වල සුවඳයි මඩ සුවඳයි එකතු වෙලා මොකක්දෝ අමුතු හැඟීමක් එක්ක ගොයම් මිටිය ඒකිගෙ ඔළුවෙන් මගෙ ඔළුවට මාරු වෙන තත්පරේට මගෙ අතක් හරි,මූණ පොඩ්ඩක් හරි ඒකිගෙ ඔය කොහෙහරි වදින එක නවත්තගන්ඩ එදා වාගෙම කසාද බැඳපු මහ එකෙක් වෙලත් අදටත් මට බෑ.එදා ඉඳලම උන්ගෙ අත්තම වැරැද්දුවෙ නැති එකම හේතුවත් ඒක කියලා ඒකිත් කසාදයක් බඳිනකල්ම නොදැන හිටියා වෙන්ඩ බෑ.</i></b></p><p><b><i>අපි දවල්ට කෑවෙ කමතෙමයි.කලින් පාගපු කොළයක් උඩට වෙලා මාළු කට්ටක් සූප්පු කර කර ඉද්දි </i></b></p><p><b><i>"මෙන්න මේකෙන් අරන් කාහන්,ආයෙ සූප්පු කරනකන්"</i></b></p><p><b><i>කියාගෙන තව මාළු කෑල්ලක් බෙදාගෙන ඒකි කුසුමා නැන්දා ගාවින් වාඩි වුණා.</i></b></p><p><b><i>"මගෙ එහා පැත්තෙන්ම වාඩි වුණානම් හෙන ගහනවද ?"</i></b></p><p><b><i>කියලා හිත හිත මන් ඒකි දිහා බලනකොට ඒකිටත් ඒක තේරිලා වගේ නෝන්ජලේට හිනාවෙලා බත් එක කන්ඩ ගත්තා.</i></b></p><p><b><i>"සුසිල් මහත්තයාගෙ සුනාමිය තව ටිකකින් එනවා කිව්වා,එහා යායෙ කොල දෙකක් පාගලා"</i></b></p><p><b><i>කියාගෙන ඒකිගෙ අයියා ඇවිත් මට එහා පැත්තෙ තිබ්බ කොට කෑල්ලක වාඩි වුනේ</i></b></p><p><b><i>"ඔන්න ඔහෙ මටත් කන්ඩ මොනාහරි දියන්"</i></b></p><p><b><i>කියාගෙන.</i></b></p><p><b><i>ඉස්සර ඉඳලම ඌ දන්නවා මම මේ අත්තමට එන්නෙ හොඳකට නෙමෙයි කියලා.ඒ පුරුද්දටම වගේ අදත් ඌ අපි දෙන්න දිහා මාරුවෙන් මාරුවට බල බල බත් එක ගිල්ලෙ හරියට මම ඒකිව උස්සන් යන්ඩ ඇවිත් වගේ.ඒකිටත් ඒක දැනිලද කොහෙද ආයෙ මගෙ පැත්තවත් බැලුවෙ නෑ.</i></b></p><p><b><i>සුනාමිය ඇවිත් කොලේ අස්සට වෙන්ඩ ගැහුවට පස්සෙ ඒකි ගියෙ බැත එකතු කරන තැනට.පිරිමි වෙච්ච අපිට ඔතන කොරන්ඩ දෙයක් නැති හින්දා කොලේ අරන් සුනාමියට දාලා පැයක් යද්දි වඩේ ඉවර කරගත්තා.</i></b></p><p><b><i>"ඉස්සර නම් ඉතින් තවත් කොලේ පාගනවා,නැත්තන් බැතේ හුලන් කරනවා"</i></b></p><p><b><i>එහෙම ඇහෙද්දි මට මතක් වුණේ ඉස්සර ට්රැක්ටරෙන් ගොයම් පාගලා බැත හදන්ඩ අතින් කරකන රූනෙක් ගේනවා.ඒක කරකන්ඩ ගත්තහම කුල්ලට බැත අරන් රූනා ඉස්සරහට හලනකොට මම ඒකි දිහා බලන් හිටියෙ පිස්සුවෙන් වගේ.මගෙ දිහත් හොරෙන් බල බල කුල්ලෙන් අරන් බැත ටික හලනකොට මම රූනා කැරකුවට වඩා ඉබේම කැරකුණා.</i></b></p><p><b><i>කළුවරේ පොඩි ලයිට් එකක් කමතට ඇදගෙන බැත සුද්ද කරනකොට ඔය විගඩම් වෙන කාටවත් පෙනෙන්ඩ විදියක් තිබුණෙ නෑ.එහෙම පෙනුණත් එතකොට අපි පොඩි එවුන් හින්දා ඒකට මොකෙක්වත් අවලාද කියන්ඩ එන්නෙත් නෑ, ඒක මේ අද වගේ කසාද බැඳපු එවුන් හොරෙන් නටන නාඩගමක් නෙමෙයි හින්දා.</i></b></p><p><b><i>වී මිටි ටික කමතෙම කොණක තියාගෙන ගැටගහනගමන්ම අපි පිරිමි ටික එකින් එක ගෙදරටම ගෙනිහින් දැම්මා.</i></b></p><p><b><i>"මහදුරක් නෙමෙයිනෙ,ඔන්න ඕක කරේම අදිමු" කියලා.</i></b></p><p><b><i>"එහෙනම් උඹලා ගිහින් නාගනිල්ලා කළුවර වැටෙන්ඩ කලින්"</i></b></p><p><b><i>ගෑණු ටික නාගන්ඩ යද්දි වී මිටි ටික අදින ගමන් මාරුවෙන් මාරුවට ගෙනත් තිබ්බ බෝතල් දෙකක් හිස් වෙලා තිබ්බා.කමතෙ ඉතින් ඔය අහුවෙන එකකට වක්කරගෙන කටේ හලාගන්නවා මිසක් බොන එකේ පිළිවෙලක් නෑ.</i></b></p><p><b><i>"දැන් මැදැයි ඔය නෑවා,ඔන්න ඔහෙ පීල්ලෙන් අයින් වෙයල්ලා අපිටත් ටිකක් නාගන්ඩ"</i></b></p><p><b><i>කියලා ලඟ තිබ්බ ගලකට බර දෙනකොට ඒකි දියරෙද්ද ඇඳගෙන පීල්ල යට.ගෑණු ලස්සනම දියරෙද්දට.මට ඒකිට එහෙම කියන්ඩ හිතුණා.</i></b></p><p><b><i>"ඔන්න අපි නාලා ඉවරයි,නාගන්න කෙනෙක් නාගන්න එකයි ඇත්තෙ"</i></b></p><p><b><i>කියාගෙන ඒකි කොණ්ඩෙ ගසාගෙන පීල්ලෙන් අහකට වුණා.</i></b></p><p><b><i>"පොඩි එවුන් දෙන්න අපේ දිහාවේ අන්න,උඹත් ගිහින් ඔය ඇඳුම් ටික වනලා කළුවර නොවැටි වරෙන් රෑට කාලා යන්ඩ"</i></b></p><p><b><i>කියාගෙන ඒකිගෙ අම්මා ගෙවල් පැත්තට හැරෙද්දි මගෙ දිහා අමුතුවට බලපු ඒකි මට ඇස් වලින් කිව්වෙ,</i></b></p><p><b><i>"ගෙදර කවුරුත් නෑ" </i></b></p><p><b><i>කියලා වෙන්ඩ බැරිද. ඔව් ඒක එහෙම වෙන්ඩ ඕනෙ. </i></b></p><p><b><i>ඒකි ඉස්සර වුණා.</i></b></p><p><b><i>ආයෙ අඳින්ඩ ඇඳුමක් ගෙනිහින් තිබ්බෙ නැති හින්දා ඒකි තුවාය කර වටේ ඔතාගෙන දියරෙද්ද පිටින්ම ඇඳුම් ටික එකින් එක වැලට දාන දිහා මම බලන් ඉද්දි දියරෙද්දෙන් මට වහන්ඩ පුළුවන් දෙයක් ඒකිගෙ ඇගේ තිබ්බෙ නෑ.</i></b></p><p><b><i>"කොණ්ඩෙ පිහගන්නකන් හිටපන් වදේ"</i></b></p><p><b><i>"ඔන්න ඔහෙ ඕනෙ නැති කොණ්ඩයක් නෑ.මෙහාට වරෙන්"</i></b></p><p><b><i> "මම ආසම සුවඳ"</i></b></p><p><b><i>"ඔනෑ තරම් බලාගනින් එහෙනම් ආසම සුවඳ"</i></b></p><p><b><i>"උඹේ මිනිහට දාංගලේ වැඩියි වගේ නේද?"</i></b></p><p><b><i>"ඒ මොකද?"</i></b></p><p><b><i>"මේ බලපන්කො මෙව්වා"</i></b></p><p><b><i>"වනචරකම තියෙන,මිනිහගෙන්ම අහගනින් ,මගෙන් අහන්ඩ එපා ඔව්වා"</i></b></p><p><b><i>කියලා ඒකි මහ හයියෙන් හිනාවෙවී මහන්සියට මගෙ පපුව උඩ මූණ ඔබාගත්තා.</i></b></p><p><b><i>අපි කළුවරේම මහගෙදරට යද්දි නැන්දම්මා අත්තමට ආව උන්ට කෑම බෙදන ගමන්</i></b></p><p><b><i>"මන් ඒත් බැලුවා නාගෙන ගෙදර ගිය එවුන් දෙන්නට මොකක් වුණාද කියලා"</i></b></p><p><b><i>කියද්දිම පොඩි එකා </i></b></p><p><b><i>"අප්පච්චී ..." </i></b></p><p><b><i>කියාගෙන ඇවිත් ඇඟට පැන්නා.</i></b></p>Unknownnoreply@blogger.com0tag:blogger.com,1999:blog-4346932754463664741.post-23118671238146615592022-12-16T23:58:00.003-08:002023-11-08T00:00:41.057-08:00<p><b><i> "විසිකරපිය බල්ලෝ ඕක අහකට"</i></b></p><p><b><i>ඒත් එක්ක වැදුණ කණේ පාරට එක බිංදුවක්වත් නැති වෙන්ඩ කුප්පිය විසිවෙද්දි ඒකි මාත් එක්කම බිම ඇදගෙන වැටුණා. </i></b></p><p><b><i>"දඩාවතේ ගිය බැල්ලියක් හින්ද වහ බොන්ඩ තරම් හරකෙක්ද යකෝ උඹ?"</i></b></p><p><b><i>එහෙම පටන් අරගෙන ඒකි බැනගෙන බැනගෙන යද්දි එතනින් එහාට කතාකරන්ඩවත් උත්තර දෙන්ඩවත් ඉඩක් මට එතන තිබුණෙ නෑ.</i></b></p><p><b><i>"නැගපන්,මන් ඉස්පිරිතාලෙට යන්නෙ"</i></b></p><p><b><i>මම නැන්ගා. අපි යන්ඩ පටන් ගත්තා.</i></b></p><p><b><i>"ඒකිට උඹ හොඳ වැඩී,පරට්ටි."</i></b></p><p><b><i>"උඹ කට වහනවද,මම බහින්ඩද?"</i></b></p><p><b><i>"ඉස්කෝලෙ කාලෙ ඉඳන් පස්සෙන් වැටි වැටී හිටියට ඔහොම වෙලා මදි උඹට.ලැජ්ජා නැතිකම මොකද්ද එකටත් වඩා ලොකුයිලුනෙ,රෙද්ද"</i></b></p><p><b><i>එතනින් එහාට ඉස්පිරිතාලෙට යනකල්ම ඒකි කරේ සිගරට් උරවපු එක.එකක් නිවෙද්දි තව එකක්.</i></b></p><p><b><i>"බකන්නිලාගෙන ඉන්නෙ නැතුව අල්ලපන්,අද විලිසන් මාමා නෑ බොඩිය දාගන්ඩවත්"</i></b></p><p><b><i>මෝචරිය ඉස්සරහ ගහකට හේත්තු වෙලා හිටිය මම මිනිය දාලා තිබ්බ ට්රොලිය ඇල්ලුවා නෙමෙයි.ඇල්ලුනා.</i></b></p><p><b><i>මල් ශාලාවට ඇවිත් සිගරට් එක කටේ ගහගෙන,සිලින්ජරෙන් ෆෝමලින් ගහ ගහ මස් වැදැල්ලක් එක්ක ඔට්ටු වෙන මේකිගෙන් ඉස්කෝලෙ කාලෙ තිබ්බ ගෑණු ගති සේරම මැකිලා ගිහින්.</i></b></p><p><b><i>"උඹ ආවෙ නැත්තන් මේකට කලින් උඹට මාව කපන්ඩ තිබ්බා"</i></b></p><p><b><i>"එහෙනම් මන් මුලින්ම කපන්නෙ උබේ අහවල් එක"</i></b></p><p><b><i>"උඹට තනියෙන් මේ රෑ තිස්සෙ මිනී එක්ක ඔට්ටු වෙන්ඩ බය නැද්ද?"</i></b></p><p><b><i>"බයයි කිව්වොත් උඹ මගෙ මැරිච්ච තාත්තා ගෙනත් මේ එම්බාම් එක කරවනවද?,අර ඔත්පල වෙලා ඉන්න ගෑණිට කන්ඩයි බෙහෙත් ටිකයි ගෙනත් දෙනවද? "</i></b></p><p><b><i>මට ඒකට උත්තරයක් නෑ.</i></b></p><p><b><i>"දැන් අරකි බැඳපු එකා මොනවා කරන එකෙක්ද?"</i></b></p><p><b><i>"ලොකු බිස්නස් කාරයෙක්ලු,ලොකුවටම වෙඩින් එකත් ගත්තෙ උගෙ සල්ලි වලින්,කොළඹදි හම්බෙච්ච එකෙක්"</i></b></p><p><b><i>"ගෑණියෙක් දාලා ගියා කියලා මැරෙන්ඩ ඕනෙනම් කන්ඩ බොන්ඩ මිනී කපන්ඩ වෙච්ච මම මොනව කරගන්ඩ ඕනෙද යකෝ?"</i></b></p><p><b><i>ඇත්තටම ඒකි කියන්නෙ සහතික ඇත්ත.ලස්සනට සුදු ගවුම ඇඳගෙන පන්තියෙ ඉස්සරහ ඉඳගෙන හිටිය පොඩි එකී,අද රාක්සයෙක් වගේ මිනී කපනවා.</i></b></p><p><b><i>"මම බොඩිය ගෙනිහින් දාන්ඩ යනවා,උඹ එනවද?"</i></b></p><p><b><i>"යන්"</i></b></p><p><b><i>"මහත්තයා බොඩිය හරි,මහත්තයලා ඉස්සරහින් යන්ඩ,අපි පස්සෙන් එන්නම්,ගණන් හිලව් හත් දවසට කලින්වත් බේරුවොත් මටත් ලේසියි"</i></b></p><p><b><i>ඒකි හැඩිදැඩි පිරිමියෙක් පරද්දපු ගෑණියෙක්.</i></b></p><p><b><i>"උඹ දැන් මොකද කරන්නෙ?"</i></b></p><p><b><i>"මම රස්සාව දාලා ආවෙ,යන්ඩ තැනක් ඉන්ඩ තැනක් මට නෑ"</i></b></p><p><b><i>මිනිය ගිහින් දාලා එනගමන් ගත්ත බෝතලේ හිස් කරන ගමන් අපි කතාකරේ එච්චරයි. එතනින් පස්සෙ මට මිනියක් කපන එක, මෙච්චර ලේසි වැඩක් වෙයි කියලා මම හිතුවෙත් නෑ. දැන් ඒකි මිනී කපන්නෙ නෑ.</i></b></p><p><b><i>"වඩින්න අපෙ හාමුදුරුවනේ"</i></b></p><p><b><i>"විල්සන්,අර සුදු රෙද්දක් ගෙනෙන්"</i></b></p><p><b><i>"මහත්තයෝ මේක ලොකු පුණ්යකර්මයක්"</i></b></p><p><b><i>"දැන් මාස දෙක තුනක ඉඳන් එහා ගමේ මෙහෙණි ආරණ්යට වෙලා හිටිය උපාසක අම්මෙක් හදිසියේම නැති වෙලා.නැති වෙලා කිව්වට එල්ලිලා මැරිලා.අපිට මේ මරණ කටයුත්තට උපකාරයක් කරන්ඩ පුළුවන්නම් ඒක ගැන කතාකරගන්ඩයි මන් මේ ආවෙ"</i></b></p><p><b><i>"එහෙමයි හාමුදුරුවනේ"</i></b></p><p><b><i>"ආයෙ එන්ඩ නෑදෑයෙක් මල්ලෙක් නෑ.එම්බාම් කරලා පෙට්ටියක තියලා,පාන්සකූලෙ දීලා පොදු කනත්තෙ වලදාගන්ඩයි හිතුවෙ"</i></b></p><p><b><i>" එහෙමයි හාමුදුරුවනෙ,දැන් මරණෙ කොහෙද තියෙන්නෙ කිව්වනම් මම ඒ වැඩ ටික ලෑස්ති කරන්නම්."</i></b></p><p><b><i>"පොලිසියෙ මහත්තුරු ඇවිත් මරණ පරීක්ශණ වැඩ වලට ඉස්පිරිතාලෙට ගෙනිච්චා.දැන් ඉස්පිරිතාලෙ වැඩ ටික නම් ඉවර ඇති"</i></b></p><p><b><i>"විල්සන්,මේ මහත්තයෙක් එක්ක වාහනේ අරන් ගිහින් මරණෙ ගෙනත් එම්බාම් වැඩ ටික ඉවර කරපන් ඉක්මණට"</i></b></p><p><b><i>"එහෙනම් මහත්තයො මම ගිහින් එන්නම්.බොහෝම පින්"</i></b></p><p><b><i>"එහෙමයි හාමුදුරුවනේ"</i></b></p><p><b><i>"එම්බාම් එකනම් ඉවරයි මහත්තයො,ලස්සන කෙල්ල.ඉටිරූපෙ වගේ"</i></b></p><p><b><i>"ආ ඇත්තද?අපරාදෙ උඹට එල්ලෙන්ඩ කලින් හොයාගෙන ගිහින් කරගහගන්ඩ තිබ්බෙ " </i></b></p><p><b><i>කියාගෙන මමයි නෝනයි පෙට්ටිය ලඟට ආවෙ හාමුදුරුවොන්ගෙ වැඩේ හින්ද පන්සලටත් ගිහින්ම එන්ඩ හිතාගෙන.</i></b></p><p><b><i>"හත්දෙයියනේ ....."</i></b></p><p><b><i>"ඔයාගෙ කණට ගහන්ඩ මට එන්ඩ හම්බුණාට,මේකි එල්ලිච්ච ලණුව කපන්ඩ කවුරුත් ඉන්ඩ නැතුව ඇති දෙයියෝ"</i></b></p>Unknownnoreply@blogger.com0tag:blogger.com,1999:blog-4346932754463664741.post-87189591531634048572021-09-09T06:02:00.003-07:002021-09-09T06:02:17.170-07:00 ලස්සන කඳු, අපි නෙමෙයි !!!<p><i><b>"උබේ පවුලෙ කීදෙනෙක්ද?"</b></i></p><p><i><b>"හත්දෙනයි මාත් එක්ක"</b></i></p><p><i><b>"උඹද වැඩිමල්?</b></i></p><p><i><b>"නෑ අයියට පස්සෙ මම"</b></i></p><p><i><b>"උඹගෙ අම්මත් ලස්සන ඇති, උබ වගේම"</b></i></p><p><i><b>"ඔව් ගිණි කිකිළි වගේ"</b></i></p><p><i><b>මුස්පේන්තුකමට එහෙම කියාගෙනම අඩියෙ ඉතුරු වෙලා තිබ්බ ටික ඒකි උගුරට හලාගත්තෙ ගමේ කසිප්පුකාරයෙක් වගේ. </b></i></p><p><i><b>"අයිය උඹලට සලකන්නෙ නැද්ද?"</b></i></p><p><i><b>"මගෙන් කුණුහරප නාහා මහත්තයා ඉක්මණට ආව වැඩේ කරගන්නවද, මට යන්ඩ ඕනෙ හෙට පාන්දර ගමේ යන්ඩ තියෙනවා"</b></i></p><p><i><b>එතකොටත් අපි දෙන්නම ඇවිත් වැටුණ විදියටම හත් අටපොලකින් ඈඳිගෙන. එතනින් කතාව ඉවරයි, ටික වෙලාවකට. </b></i></p><p><i><b>"කොහෙද ගම?"</b></i></p><p><i><b>මම එහම ඇහුවෙ සිවිලිමට යටින් කැරකෙන ෆෑන් එක දිහා බලාගෙන.</b></i></p><p><i><b>"ඇයි එන්ඩද?"</b></i></p><p><i><b>පැය දෙක තුනකට කලින් පාළමට එහයින් වාහනේට නඟිනකොට මේකි මෙච්චර සැර නෑ.සල්ලි ටික මිට මොලවගෙන ගිහින් දිලිසෙන පර්ස් එකට එබුවට පස්සෙ ඒකිට ඕනෙ ඉක්මණට වෙන එකෙක් හොයාගන්ඩ. නැතුව ගමට යන්ඩ නෙමෙයි. </b></i></p><p><i><b>"ඇත්තටම ගම කොහෙද?"</b></i></p><p><i><b>"බණ්ඩාරවෙල"</b></i></p><p><i><b>"ලස්සන පළාතක්නෙ"</b></i></p><p><i><b>"ලස්සන කඳු, අපි නෙමෙයි"</b></i></p><p><i><b>"මට තේරුණෙ නෑ"</b></i></p><p><i><b>"මාව ගත්ත තැනට ගෙනිහින් දාන්න මහත්තයට පුළුවන්ද, නැත්තන් මන් වීල් එකක් අරන් යන්ඩද?"</b></i></p><p><i><b>"යමු"</b></i></p><p><i><b>මම හදිස්සියට ගලවලා දාපු සේරම ඇඳගන්න ඒකිට ගියෙ විනාඩි දෙකතුනයි. කණ්ණාඩිය ඉස්සරහට ගිහින් එක එක ඒවා මූණෙ උලාගනියිද මේ යන්නෙ පාන්දර ගෙදර යන්න ඕනෙ කියලා නිදාගන්නනම්. </b></i></p><p><i><b>"එහෙනම් මම බහින්නම් මහත්තයා. ආයේ හම්බෙන්න ඕනෙ වුණොත් සතියකට පස්සෙ මේ හරියෙ මම ඉන්නවා. "</b></i></p><p><i><b>"නම්බර් එක දුන්නනම් ලේසියි"</b></i></p><p><i><b>"හෙට උදේට මහපාරෙදි මහත්තයා හම්බ වෙලා මන් මහත්තයට කතාකරොත් නිකමටහරි, මගෙ නොම්බරේ මහත්තයම මට කියලා දෙයි ." </b></i></p><p><i><b>කියලා ඒකි හිනා වුණා, මුස්පේන්තුවට නෙමෙයි.පපු කැවුත්තෙන්ම මයෙ හිතේ.</b></i></p><p><i><b>"මම එහෙම නෑ"</b></i></p><p><i><b>"රැට මොකෙක්වත් එහෙම නෑ මහත්තයො"</b></i></p><p><i><b>මම හිතුවෙ එතනින් අපේ කතාව ඉවරයි කියලා. සිග්නල් එක දාලා වාහනේ පාරට හරවන්න හැදුවෙ හිස් අතින්ම ගෙදර යන්න. ආයෙත් වීදුරුවට තට්ටු කරනකොට වීදුරුව පාත් කරේ හිස් අතින් ගෙදර ගිහින් මොකටද කියලා හිත හිත.</b></i></p><p><i><b>"මහත්තයා, අර කියපු අයියා, සලකනවා . මට නෙමෙයි, අපෙ අම්මට. අපෙ පොඩිම එකී උගෙ."</b></i></p><p><i><b>"මට තේරුණේ නෑ"</b></i></p><p><i><b>"ඌ කසිප්පු විස වෙලා මැරිච්ච අපෙ තාත්තගෙ කලින් ගෑණිගෙ."</b></i></p><p><i><b>එතකොටම මොහිදින් බෙග් හීනියට පටන් ගත්තා,</b></i></p><p><i><b>"මිනිසාමයි ලොව දෙවියන් වන්නේ, මිනිසාමයි ලොව තිරිසන් වන්නේ ....."</b></i></p><p><i><b>0</b></i></p>Unknownnoreply@blogger.com0tag:blogger.com,1999:blog-4346932754463664741.post-34922229502346140782021-09-09T06:00:00.001-07:002021-09-09T06:00:09.332-07:00අමාවක<p><i><b> ඉතින් සොඳුර</b></i></p><p><i><b>සඳ කොයිබද</b></i></p><p><i><b>මටත් වඩා</b></i></p><p><i><b>ලඟට වෙලා</b></i></p><p><i><b>නුඹේ සුසුම් </b></i></p><p><i><b>විඳිනවාද</b></i></p><p><i><b>ඉඳලා හිටලා</b></i></p><p><i><b>අඬනවාද</b></i></p><p><i><b>මටත් වඩා </b></i></p><p><i><b>දැනෙනවාද</b></i></p><p><i><b>මට නිකමට </b></i></p><p><i><b>කියනවාද</b></i></p><p><i><b>අමාවකට වත් </b></i></p><p><i><b>එපාද</b></i></p><p><i><b>~~ මයෝ ~~</b></i></p>Unknownnoreply@blogger.com0tag:blogger.com,1999:blog-4346932754463664741.post-27117674609219017762021-09-09T05:59:00.005-07:002021-09-09T05:59:22.695-07:00 වෙඩිමක් ශුවර් නෑ කොටහළු ගේ ගත්තා !!!<p><i><b>කොල්ලට දාසයයි කෙල්ලට දාහතරයි</b></i></p><p><i><b>ෆෝන් එකට කෙල්ලගෙ හැටහත්දාහයි</b></i></p><p><i><b>අප්පගෙ පඩිය මාසෙට විසිතුන්දාහයි</b></i></p><p><i><b>කාඩ් වලට කෙල්ලට දවසට දාහයි</b></i></p><p><i><b><br /></b></i></p><p><i><b>අම්මා සව්දියේ අවුරුදු පහමාරයි</b></i></p><p><i><b>උන්දැගෙ කතා අප්පගෙ හදවත පාරයි</b></i></p><p><i><b>ආගිය කතාවල අප්පත් මනමාළයි</b></i></p><p><i><b>දුම්මල ගෙදර උන්දැට දැන් බර සාරයි</b></i></p><p><i><b><br /></b></i></p><p><i><b>දුව හරි හැඩයි දඟකාරයි කටකාරයි</b></i></p><p><i><b>ගෙට වෙන දවසෙ ඒකිට දහතුනමාරයි</b></i></p><p><i><b>කොටහළු ගෙදර දා ගමටම සිරියාවයි</b></i></p><p><i><b>ඉස්පීකර් වල දඩි බිඩි හඬ මාරයි</b></i></p><p><i><b><br /></b></i></p><p><i><b>ප්ලේට් එකට හයසිය පනහක් ඇතිලූ</b></i></p><p><i><b>ගෙදර උයන එක හරි කොලිටිය නැතිලූ</b></i></p><p><i><b>බයිට් ටිකයි බෝතල් ටිකකුත් ගමුලූ</b></i></p><p><i><b>නැත්තන් ගමේ මාමලා බැන බැන යයිලූ</b></i></p><p><i><b><br /></b></i></p><p><i><b>උත්සවයක්නෙ මලගෙදරක් නෙමෙයිලූ</b></i></p><p><i><b>ගමටම කිව්වෙ නැත්තන් හරි නැහැයිලූ</b></i></p><p><i><b>සවුදියෙ ඉඳන් එනකොට හරි ටයර්ඩ්ලූ</b></i></p><p><i><b>ටැක්සියෙ අයියනම් හොඳටම හොඳයිලූ</b></i></p><p><i><b><br /></b></i></p><p><i><b>කෙල්ලගෙ මූණ සුදු පාටයි රෝස ටිකයි</b></i></p><p><i><b>අම්මගෙ මූණ සුදු පාටයි රතු පාටයි</b></i></p><p><i><b>අප්පගෙ මූණ නිල් පාටයි වෙරි පාටයි</b></i></p><p><i><b>හවස් වෙද්දි සේරම වැඩ හරි පාටයි</b></i></p><p><i><b><br /></b></i></p><p><i><b>නැන්දලා මාමලා ඇවිදින් යන ගානේ</b></i></p><p><i><b>දණ ගහ ගහා වදිනව නිවනක් නෑනේ</b></i></p><p><i><b>කොණ්ඩෙත් කඩලා පාටත් උලලා මූණේ</b></i></p><p><i><b>සව්දියෙ රස්නෙ වැදිලා අඩියක් ගානේ</b></i></p><p><i><b><br /></b></i></p><p><i><b>හවසට එන්නෙ අම්මගෙ හිතවත් අයලූ</b></i></p><p><i><b>කේටරින් එකේ අයියත් එනවාලූ</b></i></p><p><i><b>ඉමෝ එකෙන් ඇරයුම්පත් බෙදුවාලූ</b></i></p><p><i><b>කෝල් එන්නෙ දවසම ඒ අයගෙන්ලූ</b></i></p><p><i><b><br /></b></i></p><p><i><b>ගමටම තුන් දෙනයි ටියුශන් එකේ එකයි</b></i></p><p><i><b>දහම් පාසලේ ඉරිදට එකම එකයි</b></i></p><p><i><b>යන එන ගමන් පාරෙදි කොන්දොස්තරයයි</b></i></p><p><i><b>බෑන්ඩ් එකේ අයියයි හරියටම හතයි</b></i></p><p><i><b><br /></b></i></p><p><i><b>කෙල්ලට විසේ හෙනහුරු අපලය හින්දා</b></i></p><p><i><b>මන්තර පාටියක් ගිය මාසෙත් ගත්තා</b></i></p><p><i><b>ත්රීවිල් බයික් එහෙ මෙහෙ කැරකෙන හින්දා</b></i></p><p><i><b>වෙඩිමක් ශුවර් නෑ කොටහළු ගේ ගත්තා</b></i></p>Unknownnoreply@blogger.com0tag:blogger.com,1999:blog-4346932754463664741.post-42484845874013440272021-09-09T05:57:00.001-07:002021-09-09T05:57:05.388-07:00තට්ටෙ ගාලා ශේව් කරපු සාධුලාට මම වැන්දා !!!<p><b><i> සීය මැරිලා තුන් මාසෙට දවස් තුනයි තියෙන්නේ</i></b></p><p><b><i>හතර වරිගෙ නෑ පිරිවර මහ ගෙදරට ඇදෙන්නේ</i></b></p><p><b><i>හත් දවසට වඩා ජයට මේක ගන්ඩ හදන්නේ</i></b></p><p><b><i>අත්තම්මගෙ පර්ස් එකට තමයි හෙමින් විදින්නේ</i></b></p><p><b><i><br /></i></b></p><p><b><i>සීයට තැන තැන වතුපිටි කසු කුසුවක් ඇහෙන්නේ</i></b></p><p><b><i>බැංකු පොතේ සල්ලි වලට දැන් මොනවද කරන්නේ</i></b></p><p><b><i>පිනට දෙන්න මගේ හිතේ අත්තම්මා හිතන්න්නේ</i></b></p><p><b><i>පිස්සු නේද මේ ගෑණිට මාමණ්ඩිලා කියන්නේ</i></b></p><p><b><i><br /></i></b></p><p><b><i>ඉස්පීකර් පහක් හයක් ගෙදර වටේ බඳිමු නේද</i></b></p><p><b><i>කහ බතකුයි කට්ලට් මස් බණ දවසට තියමු නේද</i></b></p><p><b><i>පනස්දාහේ මණ්ඩප්පෙ ගහලා ලයිට් දාමු නේද</i></b></p><p><b><i>ඉකෝ දාලා පිරිත් කියන කොල්ලො ටිකක් ගේමු නේද</i></b></p><p><b><i><br /></i></b></p><p><b><i>දානෙ දවසෙ හවසටනම් බොන්න ටිකක් දෙන්න වේවි</i></b></p><p><b><i>හොටෙල් එකෙන් බයිට් ටිකත් අරන් එන්න ලේසි වේවි</i></b></p><p><b><i>බෝතල් ටික ලොකු අයියා අඩුවට හෙට අරන් ඒවි</i></b></p><p><b><i>ඔය කිව්වට බියර් ටිකක් නැන්දලටත් බොන්න වේවි</i></b></p><p><b><i><br /></i></b></p><p><b><i>අර රැව්ල වවපු හාමුදුරුවෝ සීලවන්ත නැති හින්දා</i></b></p><p><b><i>තට්ටෙ ගාලා ශේව් කරපු සාධුලාට මම වැන්දා</i></b></p><p><b><i>එහෙම කියපු ඉතාලියේ ලැට් හෝදපු පොඩි නැන්දා</i></b></p><p><b><i>සීය මැරිලා හත් දවසෙන් තුන්වෙනි පාරට බැන්දා</i></b></p><p><b><i><br /></i></b></p><p><b><i>සීයට වඩා වැදගත් අය කවුරුවත්ම නැහැයිලූ</i></b></p><p><b><i>ඉස්පිරිතාලෙදි බලන්න ආවෙ නැත්තෙ බිසීලූ</i></b></p><p><b><i>මරණ ගෙදර දා ආවෙත් හරිම අමාරුවෙන්ලූ</i></b></p><p><b><i>පොඩි පුතාට සීයගෙ දේපල චුට්ටක් ඇතියිලූ</i></b></p><p><b><i><br /></i></b></p><p><b><i>සාමණේර හාමුදුරුවො තේරුමක්ම නෑ අම්මේ</i></b></p><p><b><i>හාමුදුරුවො පණහක්වත් වඩම්මවා ගමු ගැම්මේ</i></b></p><p><b><i>නැන්දල ටික හරි හරියට ප්ලෑන් කරනකොට පිම්මේ</i></b></p><p><b><i>අත්තම්මා උතුරු සළුව හෝදලා අව්වට දැම්මේ</i></b></p><p><b><i><br /></i></b></p><p><b><i>එහා ගෙදර එකට වඩා අපි ලොකුවට ගන්ඩ ඕනෙ</i></b></p><p><b><i>හාමුදුරුවො සේරටෝම අටපිරිකර දෙන්ඩ ඕනෙ</i></b></p><p><b><i>අත්තම්මව හෙට උදේම බැංකු එක්ක යන්ඩ ඕනෙ</i></b></p><p><b><i>අද නැත්තන් හෙට මොකටද පොත හූරලා ගන්ඩ ඔනෙ</i></b></p><p><b><i><br /></i></b></p><p><b><i>දරු රෑනම එක පාරම ගෙදර ඇවිත් හින්දා</i></b></p><p><b><i>අත්තම්මා එකතු කරපු සල්ලි කැටෙත් බින්දා</i></b></p><p><b><i>ඉඩම් ටිකත් යන්න කලින් සීයා බෙදපු හින්දා</i></b></p><p><b><i>අත්තම්මා පහන තියලා බුදු සාධුට වැන්දා </i></b></p>Unknownnoreply@blogger.com0tag:blogger.com,1999:blog-4346932754463664741.post-35081497320875267212021-09-09T05:55:00.005-07:002021-09-09T05:55:40.129-07:00ළමයි තුන්දෙනෙක්ගෙ අම්ම කෙනෙක් නේද? ලැජ්ජ නැද්ද මිනිහෙක් එක්ක මෙහෙම නටන්න ?<p><i> "ඔයා කීයටද මාව ගන්නෙ?"</i></p><p><i>"මම හරියටම පහයි තිහ වෙද්දි එන්නම් ඔෆිස් එක ලඟට. තවම ඉන්නෙ කටුනායක"</i></p><p><i>ඉස්සරනම් ඉස්කෝලෙ ලඟට වෙලා,නැත්තන් ටියුශන් එක ලගට වෙලා පැය ගණන් හිටගෙන ඉඳලා එයා එළියට එනකොට මම හෙම්බත් වෙලා. ලෝකෙටම හොරෙන් ලියපු ඒ ආදර කතාවට අදත් මම පිස්සෙක් වගේ ආදරෙයි. එයාගෙ අම්මා තාත්තා එයාව මගෙන් ඈත් නොකරන්න අපිට මෙහෙම තීරණයක් ගන්නවත්, මට කාන්තාර වල කඹුරන්න වෙන්නවත් නැතිවෙන්න තිබ්බ ඉඩ වැඩියි. ඒත් ඒක තමයි උරුමෙ කියලා අපි හිත හදාගත්ත වාර අනන්තයි,ඈතට වෙලා.ඒක අපි දෙන්නටම නොරහසක්. </i></p><p><i>අපි ඈත් වෙලා දැන් අවුරුදු හතරක්. ඒ ඇස් දෙක මගෙ ඉස්සරහ තියෙනවා දකින්න,ඒ ඇස් දෙකේ මන් වෙනුවෙන් පිරුණු ආදරේ හොයන්න ,පොඩි කෙල්ලෙක් වෙලා මගෙත් එක්ක හුරතල් වෙනවා විඳින්න අපිට ඈත් වෙන්න වුණ දවසෙ ඉඳන් අපි දෙන්නම ඇඟිලි ගණිනවා, අද වෙනකල්ම.</i></p><p><i>අන්තිමට අද ඒ දවස ඇවිත්.හරියටම පහ වෙද්දි මම එයාගෙ ඔෆිස් එක ලඟ.කාලෙකින් අපි අපේම වෙලා ඉස්සර වගේ ආදරෙන් හුරතල් වෙවී ඉන්න යොදාගත්ත ගමනට තව පැය බාගයයි. </i></p><p><i>"මම ඇවිත් ඉන්නෙ"</i></p><p><i>"හරි පැටියො.මම එනවා"</i></p><p><i>ටික වෙලාවකින් ඔෆිස් එකෙන් එළියට ඇවිත් වාහනේ දිහාවට ඇවිදන් එනකොට මට ඇස් අහකට ගන්න හිතක් නෑ. ටැක්සියෙ ඩ්රයිවරුත් එයා දිහා නොබැලුවා කියලා මම හිතන්නෙ නෑ. මට ඒක පොඩි ආඩම්බරයක් වගෙත් දැණුනා. ගෙවල් හදලා, ළමයි හදලා, උන්ට උගන්නලා රස්සා කර කර දහදුක් විඳින්න ඕනෙ ගෑණියෙක් නෙමෙයි එයා.එහෙම දුක් වින්දත් ඉස්සර වගේමයි ඒ ලස්සන.තනියම කල්පනා කරේ මට ඒකට කරන්න කියලා දේකුත් ඉතුරු වෙලා තිබ්බෙ නැති හින්දා.</i></p><p><i>"එයා මේ ලෝකෙ ලස්සනම ගෑණි නෙමෙයි.හැබැයි එයා මේ ලෝකෙ ලස්සනම ගෑණුන්ගෙන් කෙනෙක්"</i></p><p><i>මගෙ හිත එහෙම කෑ ගහනවා.</i></p><p><i>නුවරඑළියට යනකල් අපි මහ ගොඩක් දේවල් කතාකලේ නෑ.මම එයාගෙ ලස්සන බල බල හියා විතරයි.සමහරවිට මම නරුමයෙක් වගේ එයාව රසවින්දා කිව්වොත් වැරදි නෑ. අවුරුදු හතරකට කලින් අපි ඈත් වෙලා යනකොට හිටියට වඩා මෝරලා හිටියත් ඒ ලස්සන වැඩි වෙලා මිසක් දශමෙකවත් අඩුවක් වෙලා නෑ.</i></p><p><i>"මොකද මෙච්චර හදිස්සි?"</i></p><p><i>"ඔව් මට හදිස්සියි.ඇයි ඔයාට හදිසියක් නැද්ද?"</i></p><p><i>"මට ඔයාට වැඩිය හදිස්සියි"</i></p><p><i>අපි කතාකලේ එච්චරයි. අවුරුදු ගාණක් තිස්සෙ හිතේ හිර වෙලා තිබ්බ ආදරේ එක්ක එයාගෙ උණුහුම හොය හොය ඉඳලා අපි දෙන්න විතරක් බිත්ති හතරක් අස්සෙ තනි වුණාම මොනවා කියලා කතාකරන්නද. </i></p><p><i>ඇත්තටම මට හිතාගන්න බෑ මේ ඉන්නෙ ඉස්සර මන් ඉස්සරහ ලැජ්ජාවෙන් ඇඹරි ඇඹරි හිටිය ඒ පොඩි කෙල්ලමද කියලා.</i></p><p><i>"ළමයි තුන්දෙනෙක්ගෙ අම්ම කෙනෙක් නේද? ලැජ්ජ නැද්ද මිනිහෙක් එක්ක මෙහෙම නටන්න ?"</i></p><p><i>මම එහෙම ඇහුවෙ ගුරු පාටට හුරු සිවිලිම දිහා බලාගෙන හිනාවෙවී.</i></p><p><i>"කසාද බැඳපු මිනිහෙක් නේද? ලැජ්ජා නැද්ද ළමයි ඉන්න ගෑණියෙක් එක්ක හෝටල් ගානෙ රිංගන්න? ඒකත් රට ඉඳන් එන ගමන් ගෙදරවත් නොයා"</i></p><p><i>එයා එහෙම ඇහුවෙ එයා මේ ලෝකෙ ආසම කරපු පපුවට හරියටම අවුරුදු හතරකට පස්සෙ මූණ ඔබාගන්න ගමන්.</i></p><p><i>අපි දෙන්නම හිනාවුණා.මහ හයියෙන්. ටිකකින් පපුව තෙත් වෙනව දැනුණත් මම නොදන්නවා වගේ උඩ බලාගෙන හිටියා. </i></p><p><i>අපි එහෙමම පැයකට වඩා ඉන්න ඇති මයෙ හිතේ.එයා බෙඩ් ශීට් එක ඇඟේ ඔතාගෙන නැගිට්ටෙ රින්ග් වෙන ෆෝන් එක ගන්න.</i></p><p><i>"අම්මෙ , ඔයාගෙ පිටරට ඉඳන් ආව ආදරවන්තයා එක්ක සතුටු වෙලා ඉවරනම් හෙට කීයටද ගෙදර එන්නෙ කියනවද?"</i></p><p><i>කියලා තරහින් වගේ අහන්නෙ එයාගෙ ලොකු දුව. </i></p><p><i>ඉස්පීකර් ඔන් කරලා ෆෝන් එක ඇඳේ අපි දෙන්න මැද.</i></p><p><i>"හත්දෙයියනේ, දුව කොහොමද දන්නෙ මම ඔයා එක්ක ඉන්නෙ කියලා"</i></p><p><i>නෑ. එයා එහෙම කිව්වෙ නෑ. </i></p><p><i>"ඔන්න තාත්තා ඉන්නවා.එයාගෙන්ම අහගන්න. හෙට ගෙදර එනවද,නැත්තන් එයාගෙ ආදරවන්තිය එක්ක තව දවසක් සතුටු වෙලාම එනවද කියලා "</i></p><p><i>"අපි හෙට රෑ කෑමට ගෙදර එනවා පැටියෝ."</i></p><p><i>කියලා මම අපේ දුවට කිව්වා.</i></p>Unknownnoreply@blogger.com0tag:blogger.com,1999:blog-4346932754463664741.post-82339213974606318422021-09-09T05:54:00.001-07:002021-09-09T05:54:14.606-07:00 ඌ උගෙ අප්පගෙ කපාපු පළුව !!!<p>වෙල් යාය මැද ඇහෙන බටනළා සද්දෙ මට නුපුරුදු නෑ. අවුරුදු පහ හයකින් බටනළාවක් අල්ලලා නැතත් වෙල් යාය මැද තිබ්බ ගල් පොත්තට ගොඩ වුනේ ඒ සද්දෙ ඇහෙනකොට මඟ ඇරලා යන්න හිත හදාගන්න බැරි හින්දා.</p><p>ඉස්සර මම හවසට බටනළාව අරන් වැවේ කුඹුක් ගහට නැග්ගම හවස් වරුවම ගමම විඳින්නෙ මගෙ බටනළාවෙන් වෑහෙන රහ. අපි ආදරේ කරේ හරි ලස්සනට. එක සින්දුවකට නෙළුම් මල ගානේ මට හම්බුනා කුඹුක් ගහේ අත්ත උඩට. සින්දු සේරම ඉවර වෙලා ගොම්මන් වේගෙන එනකොට ආයෙත් නෙළුම් මල් මිටියම ඒකිට තෑගි කරල අපි ගෙවල් වල ගියා. පහුවදාට ඒකි නෙළුම් මල් කඩාගෙන බලන් ඉන්නවා,මම එනකල්. නෙළුම් මල් කඩාගෙන සින්දු අහන්න එන යන ගානෙ අපිට තුරුල් වෙන්න කුඹුක් ගහ ඕනෙ තරම් ඉඩ හදලා දුන්නා, කිසි ලෝබකමක් නැතුව අහක බලාගෙන. මඩේ බැහැලා නෙළුම් මල් කඩාගෙන ඇවිත් තුරුල් වෙලා ඉන්නකොට එන සුවඳ වෙලේ බැහැලා ගොයම් අදිනකොට ගොයම් මිටිය උස්සන ගානෙත් මම වින්දේ අත්තම වරද්දන්නෙ නැතුව කුඹුරට බහින්න මට හේතු ඕසෙට තිබුන හින්දා. මගේ ඔළුවට උස්සන ගොයම් මිටිය කමතට ගේන පමාවට ආයෙ හැරුනෙ ඒ සුවඳ තව පාරක් විඳගන්න ලෝබ හිතුණ හින්දා. </p><p>අපේ ඇයි හොඳැයියට සාක්කි දෙන්න ගමේ ගහ කොල ඕසෙට. වැව් ඉස්මත්තෙදි අපි අන්තිමට මුණ ගැහුණ දවසෙ නෙළුම් මල් හම්බුණෙ නෑ මට.ඒකි ආසම සින්දුවටවත්. එදා මට ඉල්ලන්න ඉඩක් නොතියාම ඒකි මට හැමදේම දුන්නා. දිල වැලහින්නක් වගේ අඬ අඬ </p><p>"මාව කැන්දන් යන්න හෙට මනුස්සයෙක් එනවා, උබ මට වයිර බඳින්න එපා"</p><p>කියද්දි කුඹුක් අත්තක් වැවට වැටුණෙ මාත් එක්ක අඬන්න කුඹුක් ගහ ලෑස්තියි කියල මට කියන්නද කියලා මට හිතුණ.</p><p>එතකොටම බටනළාවෙ සද්දෙ නැවතුණා. </p><p>"බටනලා ගහලා ඉවරද?"</p><p>"අදට ඇති"</p><p>කියාගෙන ඒ පොඩි කොල්ලා ගල් පොත්තෙන් බිමට පැන්නා. </p><p>"උඹ කැමතිනම් මට පුළුවන් තව ලස්සන සින්දුවක් දෙකක් උගන්නන්න"</p><p>"ඇත්තටමද? මේක ඉගැන්නුවේ අම්මා. එයා මීට වඩා දන්නේ නෑ"</p><p>"මම කියල දෙන්නම්"</p><p>"එහෙනම් යන් අපේ ගෙදරට, දැන් රෑ වුණා, නැත්තන් අම්මා බනී"</p><p>මම ඒ පොඩි කොල්ල එක්ක කියව කියව නියරවල් දිගේ ඇවිත් පොඩි බඩවැටියකින් ගොඩ වෙලා වරිච්චි බිත්ති බැඳපු පොල් අතු හෙවිලි කරපු පැළට ගොඩ වෙද්දිම </p><p>"හත්තිලව්වේ"</p><p>කියාගෙන පිල උඩට බර දීලා ඒකි හූල්ල හූල්ල වැළපෙන එක අරුමයක් නෙමෙයි. මිදුලේ අයිනක තිබ්බ කොට කෑල්ලට බර දීලා මම බලාගත්ත අත බලාගෙන හිටියා. </p><p>"උඹ කොහෙද මෙහෙ මගෙ දෙයියෝ? මොකදෑ මේ උඹේ හැටි? රැව්ල් වවාගෙන කොණ්ඩ වවාගෙන වැරහැලි ඇඳගෙන මොකද මේ උඹට වෙලා තියෙන වින්නැහිය දෙයියෝ?"</p><p>හුල්ලලා හූල්ලලා අන්තිමට අහපු ප්රශ්ණ වලට උත්තර දෙන්න මට හයියක් නෑ. </p><p>"උබ මාව අඳුනගත්තද මයෙ මැණිකෙ?"</p><p>මට අහන්න පුළුවන් වුණේ එච්චරයි. </p><p>"ඔය රැවුල් ගස් පහ හයකට උඹ මගෙන් හන්ගන්ට බෑ මයෙ දෙයියෝ"</p><p>එහෙම කියාගෙන ඒකි චීත්තෙ පොටක් අරගෙන කදුළු පිහගත්තෙ මොකක්දෝ මතක් වෙලා වගේ. </p><p>"උඹට කහට කෝප්පයක් ?"</p><p>"එපා මයෙ මැණිකෙ, මම යන්නම්. පොඩි එකාගෙ බටනලාව අහගෙන මන් මේ ආවෙ. මයෙ මැණිකෙ ආසම සින්දුව"</p><p>"මට පුරුද්දට ගිය සින්දුව"</p><p>"ඔව් ඒක ඇත්ත. ඒ ඒකිට පුරුද්දට ගිය සින්දුව"</p><p>"උබ කොහෙ යන ගමනද මේ?"</p><p>"මම සයිමව තොලොන්චි කරල අච්චු ඇදලා එනගමන. මහත්තයෙක් රස්සාවට එන්ඩ කියලා එහෙ යන ගමන"</p><p>"හත්වලාමේ, මට හදපු කතාවට පස්සෙ සයිමා වැවේ ගිළුණා කිව්වම මට හැක හිතුණා. " </p><p>"ඒ මට උඹ වෙනුවෙන් කරන්න තිබ්බ අන්තිම හරිය මයෙ මැණිකෙ. මම ගොහින් එන්නම්"</p><p>කියාගෙන කොට කෑල්ලෙන් නැගිටිනකොට පොඩි එකා ඉස්සරහට ඇවිත්,</p><p>"එතකොට මට සින්දු පුරුදු කරන්නෙ නැද්ද?"</p><p>"මම වෙන වෙලාවක එන්නම්කො මයෙ පුතේ, දැන් සුනංගු වුනා"</p><p>කියාගෙන මම යන්ඩ හැරෙද්දි</p><p>"ඌට ආයෙ අමුතුවෙන් උගන්නන්ඩ සින්දුවක් නෑ මයෙ දෙයියෝ. ඌ උගෙ අප්පගෙ කපාපු පළුව"</p><p>"හත්තිලව්වේ උඹ මේ කියන්නෙ .."</p><p>කියාගෙන ආපහු හැරෙනකොට ඒකිගෙ ඇස් වල මන් අහන්න හැරුණ උත්තරේ ලියලා තිබුණා.</p><p>"වාහෙ කඩමණ්ඩියට ගිහින් දැන් එනවා ඇති, කොල්ලගෙ හැඩ හුරුව උබේ රැවුල් ගස් වලට වැහෙන්න නැති කොට මට සමාවෙලා පය ඉක්මන් කරපන් මයෙ දෙයියෝ."</p><p>කුඹුක් ගහ වැව ලඟ තවමත් ඉන්නවා, වැව දිහා බලාගෙන. </p><p>~~ මයෝ ~~</p>Unknownnoreply@blogger.com0tag:blogger.com,1999:blog-4346932754463664741.post-43028755645603129862021-09-09T05:53:00.000-07:002021-09-09T05:53:04.111-07:00 හනිමූන් එක ගියා නැගලා !!!<p><i><span style="font-size: medium;">ප්රී ශූට් එක කරලා</span></i></p><p><i><span style="font-size: medium;">ගාලු කොටුවෙත් ෆොටෝ ගහලා</span></i></p><p><i><span style="font-size: medium;">ඒකි උස්සන් ඉඳලා</span></i></p><p><i><span style="font-size: medium;">නිදාගත්තේ තෙලුත් ගාලා</span></i></p><p><i><span style="font-size: medium;"><br /></span></i></p><p><i><span style="font-size: medium;">හතර වරිගෙට කියලා</span></i></p><p><i><span style="font-size: medium;">බලුප් වැල් මල් වෙඩිත් තියලා</span></i></p><p><i><span style="font-size: medium;">කේටරින් හෙම හොයලා</span></i></p><p><i><span style="font-size: medium;">කිලෝ දහයක් කජුම උයලා</span></i></p><p><i><span style="font-size: medium;"><br /></span></i></p><p><i><span style="font-size: medium;">වෙස් නැට්ටුවොත් නටලා</span></i></p><p><i><span style="font-size: medium;">බෙරේ තාලෙට බල්ටි ගහලා</span></i></p><p><i><span style="font-size: medium;">බෝතල් තුනක් බීලා</span></i></p><p><i><span style="font-size: medium;">පිරිත් කිව්වලු ඊයෙ ඉඳලා</span></i></p><p><i><span style="font-size: medium;"><br /></span></i></p><p><i><span style="font-size: medium;">පෝරුවට අපි නැගලා</span></i></p><p><i><span style="font-size: medium;">බහින ටිකටත් නැකත් බලලා</span></i></p><p><i><span style="font-size: medium;">පොලේ කුඩු වෙන්න කොටලා</span></i></p><p><i><span style="font-size: medium;">මාමා කිව්වේ සුබයි කියලා</span></i></p><p><i><span style="font-size: medium;"><br /></span></i></p><p><i><span style="font-size: medium;">ඩ්රයි අයිස් කැට දාලා</span></i></p><p><i><span style="font-size: medium;">වතුර දැම්මම බෝස් ගාලා</span></i></p><p><i><span style="font-size: medium;">දුම් කඩාගෙන හැලිලා</span></i></p><p><i><span style="font-size: medium;">දොලොස්දාහක බිලක් දීලා</span></i></p><p><i><span style="font-size: medium;"><br /></span></i></p><p><i><span style="font-size: medium;">සප්රයිස් එක කියලා</span></i></p><p><i><span style="font-size: medium;">සින්දු දාගෙන නටලා</span></i></p><p><i><span style="font-size: medium;">රෙදි කඩාගෙන වැටිලා</span></i></p><p><i><span style="font-size: medium;">හදන් එනකොට මටත් පෙවිලා</span></i></p><p><i><span style="font-size: medium;"><br /></span></i></p><p><i><span style="font-size: medium;">මේස ගානෙම ඇදලා</span></i></p><p><i><span style="font-size: medium;">බදාගෙන එක එකා ඉඹලා</span></i></p><p><i><span style="font-size: medium;">අහවලා මේ කියලා</span></i></p><p><i><span style="font-size: medium;">කොන්ද රිදෙනවා වැඳලා නැමිලා</span></i></p><p><i><span style="font-size: medium;"><br /></span></i></p><p><i><span style="font-size: medium;">බාර දෙනවා කියලා</span></i></p><p><i><span style="font-size: medium;">රටේ නැති බොරු කියලා</span></i></p><p><i><span style="font-size: medium;">ඉස්තූතියත් කරලා</span></i></p><p><i><span style="font-size: medium;">ආවෙ හතරයි කාල බලලා</span></i></p><p><i><span style="font-size: medium;"><br /></span></i></p><p><i><span style="font-size: medium;">වතුර විදුරක මලුත් දාලා</span></i></p><p><i><span style="font-size: medium;">බදාගෙන ආයෙමත් අඬලා</span></i></p><p><i><span style="font-size: medium;">ආවෙ බෑ බෑ කියලා</span></i></p><p><i><span style="font-size: medium;">හනිමූන් එක ගියා නැගලා</span></i></p><p><i><span style="font-size: medium;"><br /></span></i></p><p><i><span style="font-size: medium;">එහා වත්තට ගිහින් ඇවිදින් </span></i></p><p><i><span style="font-size: medium;">අපේ ගෙදරම බල්ලා</span></i></p><p><i><span style="font-size: medium;">හිනාවෙනවා හොරෙන් බල බල</span></i></p><p><i><span style="font-size: medium;">උඹ වගේ බූරුවෙක් කියලා</span></i></p>Unknownnoreply@blogger.com0tag:blogger.com,1999:blog-4346932754463664741.post-33347756119612933312021-04-23T03:07:00.006-07:002021-04-23T03:07:40.759-07:00බැන්ඳට වඩා ලාබයි හඳපාන මට !!!<p><b><i> මාලෙට ලක්සයයි ගවුමට හැටදාහයි</i></b></p><p><b><i>සාරියෙ වැඩ වලට විතරක් විසිදාහයි</i></b></p><p><b><i>ඇඳගෙන එද්දි එළියට හැටපන්දාහයි</i></b></p><p><b><i>නිදිමත නැද්ද ඔරලෝසුව පහමාරයි</i></b></p><p><b><i><br /></i></b></p><p><b><i>පෝරුව උඩදි සුදු පිරුවට ඔතන්නට</i></b></p><p><b><i>බෙර ගහ ගහා වෙස් නැට්ටුවො නටන්නට</i></b></p><p><b><i>හසරක් නැතුව මන්තර ජප කරන්නට</i></b></p><p><b><i>තිස්පන්දාහකට ලාබයි උඩින් මට</i></b></p><p><b><i><br /></i></b></p><p><b><i>මාසෙක ඉඳන් ලාබෙට බෝතල් හෙව්වා</i></b></p><p><b><i>යන එන ගමන් තුන හතරක් මම බිව්වා</i></b></p><p><b><i>කටගැස්මටත් වෙනමම පනහක් ගෙව්වා</i></b></p><p><b><i>වීදුරු වලට ඕසෙට සමහරු පෙව්වා</i></b></p><p><b><i><br /></i></b></p><p><b><i>ගස් ලබු ගෙඩිය එක එක ආරට කපලා</i></b></p><p><b><i>පැණි කොමඩුවට දෙන වද තිස්දෙක දීලා</i></b></p><p><b><i>හැඳි ගෑරුප්පු වතුරත් ලගටම තියලා</i></b></p><p><b><i>හත්දාහකට ලාබයි ඌරත් උයලා</i></b></p><p><b><i><br /></i></b></p><p><b><i>හන්තානේලු මදුසමයට හොඳම තැන</i></b></p><p><b><i>නුවර එළියටලු යන්නෙ දෙවනි දින</i></b></p><p><b><i>ෆොටෝ අරන් හග්ගල ඔය තැනින් තැන</i></b></p><p><b><i>බිල් වල ගණන් මොකටද යන එන ගමන</i></b></p><p><b><i><br /></i></b></p><p><b><i>ගවුමේ උඹේ පොඩි ඇදයක් වගෙ තිබුණා</i></b></p><p><b><i>කජු මාලුවේ හොඳි වැඩි ගතියක් පෙනුණා</i></b></p><p><b><i>විදුලි බුබුළු මදි ගතියක් වගෙ දැනුණා</i></b></p><p><b><i>එහා ගෙදර නැන්දා මුමුණනු ඇසුණා</i></b></p><p><b><i><br /></i></b></p><p><b><i>දුම් දාගෙන කිරි කළයක් හලන්නට</i></b></p><p><b><i>කිරිබත වටේ තනි තරුවක් තනන්නට</i></b></p><p><b><i>කුල්ලයි කැවිලි දහපහළොව ගෙනෙන්නට</i></b></p><p><b><i>හත් අට වතාවක් යන්නට වුණා මට</i></b></p><p><b><i><br /></i></b></p><p><b><i>පිටරට විස්කි බෝතල් කැටි පෙව්වාට</i></b></p><p><b><i>එක එක ජාති මස් පොට්ටනි කැව්වාට</i></b></p><p><b><i>ආගිය එවුන් පම්පෝරිය ගැහුවාට</i></b></p><p><b><i>බැන්ඳට වඩා ලාබයි හඳපාන මට !!!</i></b></p>Unknownnoreply@blogger.com0tag:blogger.com,1999:blog-4346932754463664741.post-40947643254550824502021-04-15T04:22:00.005-07:002021-04-15T04:22:52.636-07:00ඒ ඒකිගෙ මිනිහා<p><b><i><span style="font-size: medium;"> මන් ඒ වෙනකල්ම හිතුවෙ නෑ ලක්ශ ගානකට වඩා බර ගෑණු පන්සීයට දාහට විකිණෙන්න බලන් ඉන්නවා කියලා, මේ වෙරළ අයිනෙ පාරෙ.</span></i></b></p><p><b><i><span style="font-size: medium;">ඉතුරු නැති වෙනකල් බෙදාගෙන,බෙදන්න බැරිම ටික අපි දෙන්න මැද ටින් එකේ. </span></i></b></p><p><b><i><span style="font-size: medium;">"බීපන් ..."</span></i></b></p><p><b><i><span style="font-size: medium;">අවසර ලැබුන ගමන් කටට හලාගන්නකොටම </span></i></b></p><p><b><i><span style="font-size: medium;">"මටත් තව ටිකක් තිබ්බනම්.."</span></i></b></p><p><b><i><span style="font-size: medium;">ඒ අන්තිම ටික ඒකි බිව්වෙ ටින් එකෙන් නෙමෙයි. එහෙව් එකේ ආයෙ මොකටද හපන්න දෙයක්. </span></i></b></p><p><b><i><span style="font-size: medium;">අපි එතකොට අපේ යටගියාව ඇති වෙන්න තලු මරලා.</span></i></b></p><p><b><i><span style="font-size: medium;">" ඕනෙනම් බොන්න තිබ්බනෙ"</span></i></b></p><p><b><i><span style="font-size: medium;">"ඕනෙ ටික තමයි බිව්වෙ"</span></i></b></p><p><b><i><span style="font-size: medium;">"උඹට වෙරි"</span></i></b></p><p><b><i><span style="font-size: medium;">"බොන්නෙ වෙරි වෙන්ඩම නෙමෙයි,උබ බොන්නෙ මොකටද?"</span></i></b></p><p><b><i><span style="font-size: medium;">"මම තරම් දුක් විඳින මිනිහෙක් උබට හොයාගන්න වෙන්නෙ නෑ.ඒ දුක අමතක වෙන්නෙ මෙහෙම වෙලාවක විතරයි.වෙරි වුණාම මට මුකුත් මතක නෑනෙ.මන් බොන්නෙ ඒකයි"</span></i></b></p><p><b><i><span style="font-size: medium;">ඒකි කටකොණින් හිනාවුනා විතරයි. </span></i></b></p><p><b><i><span style="font-size: medium;">අපි පැය එක හමාරකට වඩා මුහුද දිහා බලාගෙන, ඉඳගද්දිම බන්කුව මැදින් තියාගත්ත සිගරට් පෙට්ටි දෙකෙන් එක එක අරන් පත්තු කරේ උවමනාවකට නෙමෙයි.</span></i></b></p><p><b><i><span style="font-size: medium;">"අපි යනවද?"</span></i></b></p><p><b><i><span style="font-size: medium;">"කොහෙද?"</span></i></b></p><p><b><i><span style="font-size: medium;">"උබ මෙච්චර දුරත් ඇවිත්,වෙරළ දිගේ පයිනුත් ඇවිත්, හොයපු සැප විඳින්න, උබේ කාමරේට"</span></i></b></p><p><b><i><span style="font-size: medium;">"අපි මෙතන එළිවෙනකල් ඉන්නවට උබේ අකමැත්තක් නැත්තන් මට තව බියර් ටිකක් ගෙනාවැහැකි, කන්න මොනවහරිත් එක්ක"</span></i></b></p><p><b><i><span style="font-size: medium;">"උබ මට කීයක් ගෙවනවද එළිය වැටුනම?"</span></i></b></p><p><b><i><span style="font-size: medium;">"උබට කීයක් ඕනෙද?"</span></i></b></p><p><b><i><span style="font-size: medium;">"ඔය ඉස්සරහා ටැක්සි බයික් එකේ ඉඳගෙන සිගරට් එක බොන එකාගෙන් අහලා වරෙන්"</span></i></b></p><p><b><i><span style="font-size: medium;">"ඒ මොකටද උගෙන් අහන්නෙ?"</span></i></b></p><p><b><i><span style="font-size: medium;">"ඌ ඔය සිගරට් එකයි බියර් එකයි ගත්තෙ උබට කලින් ආව එකා දුන්න පන්සීයෙන්. ඇත්තටම ඌ දාහක් දුන්නා. මන් පන්සීයක් බ්රා එක අස්සෙ ගහගත්තා, කාමරේදිම,මේ බලපන්" </span></i></b></p><p><b><i><span style="font-size: medium;">ටී ශර්ට් එක පාත් කරපුවම බ්රා එක අස්සෙ උන්ඩි වෙලා තිබිච්ච සල්ලි කොළයක් පෙනුනා ලාවට වගේ.</span></i></b></p><p><b><i><span style="font-size: medium;">ඒකි බොරු කියන්නෙ නෑ.මට විස්වාසයි. ඒ ඒකිගෙ මිනිහා.</span></i></b></p><p><b><i><span style="font-size: medium;">පත්තු කරගෙන හිටිය සිගරට් එක බිබී මම තනියම කාමරේට ආවා.</span></i></b></p><p><b><i><span style="font-size: medium;">~~ මයෝ ~~</span></i></b></p>Unknownnoreply@blogger.com0tag:blogger.com,1999:blog-4346932754463664741.post-52430428265431168152021-04-15T04:01:00.006-07:002021-04-15T04:01:30.496-07:00 විහාරයේ විලාපයක් !!!<p><b><i><span style="font-size: medium;">විහාරයේ විලාපයක්</span></i></b></p><p><b><i><span style="font-size: medium;">අතුරු සිදුරු නැති සෙනඟක්</span></i></b></p><p><b><i><span style="font-size: medium;">හීන්සැරේ බෝ මළුවට</span></i></b></p><p><b><i><span style="font-size: medium;">කඳුළු වැටෙනවා</span></i></b></p><p><b><i><span style="font-size: medium;">යකඩ කටෙන් එහා ගමට</span></i></b></p><p><b><i><span style="font-size: medium;">පිරිත් කියනවා</span></i></b></p><p><b><i><span style="font-size: medium;"><br /></span></i></b></p><p><b><i><span style="font-size: medium;">මහ මළුවට ගිහින් ඇවිත්</span></i></b></p><p><b><i><span style="font-size: medium;">සිල් රෙද්දට කර තියාන</span></i></b></p><p><b><i><span style="font-size: medium;">ගං තුලානෙ කසු කුසු</span></i></b></p><p><b><i><span style="font-size: medium;">සව් දියට පුරනවා</span></i></b></p><p><b><i><span style="font-size: medium;">හීන්සැරේ බෝ මළුවට </span></i></b></p><p><b><i><span style="font-size: medium;">කඳුළු වැටෙනවා</span></i></b></p><p><b><i><span style="font-size: medium;">යකඩ කටෙන් එහා ගමට</span></i></b></p><p><b><i><span style="font-size: medium;">පිරිත් කියනවා</span></i></b></p><p><b><i><span style="font-size: medium;"><br /></span></i></b></p><p><b><i><span style="font-size: medium;">අටපිරිකර මල් පළතුරු</span></i></b></p><p><b><i><span style="font-size: medium;">බුරුතු පිටින් හිස තියාන</span></i></b></p><p><b><i><span style="font-size: medium;">එහෙටත් නැති මෙහෙටත් නැති</span></i></b></p><p><b><i><span style="font-size: medium;">හිමිට වඳිනවා</span></i></b></p><p><b><i><span style="font-size: medium;">හීන්සැරේ බෝ මළුවට</span></i></b></p><p><b><i><span style="font-size: medium;">කඳුළු වැටෙනවා</span></i></b></p><p><b><i><span style="font-size: medium;">යකඩ කටෙන් එහා ගමට</span></i></b></p><p><b><i><span style="font-size: medium;">පිරිත් කියනවා</span></i></b></p>Unknownnoreply@blogger.com0tag:blogger.com,1999:blog-4346932754463664741.post-60020475249000520642021-04-15T04:00:00.002-07:002021-04-15T04:00:32.868-07:00මාව ඇඳට එක්කන් යනවද මහත්තයෝ, වඩාගෙන<p><b><i>මම බෑග් එකත් අරගෙන රූම් එක ඇතුලට එනකොට බාත් රූම් එකේ දොර අඩවල් කරලා. එහෙමම ඇතුලට එබිලා බලලා බෑග් එක ඇඳට එහයින් තිබ්බ පොඩි මේස කෑල්ලෙන් තිබ්බා. ශවර් එක ඇරලා වතුර ගලන සද්දෙට මට තවත් බලන් ඉන්න බැරි තැන හෙමින් අඩවල් කරලා තිබුණ දොර ඇරගෙන බාත් රූම් එක ඇතුලට ගියෙ ඉබේටම වගේ. </i></b></p><p><b><i>ඇත්තටම එයා ලස්සනයි. අපි පළවෙනියටම දැකපු දවසෙ ඉඳන් මේ වෙනකල්ම මට ඒ ලස්සනේ අඩුවක් පෙනිලා නෑ. මම මුලින්ම එයාව තුරුල් කරගෙන ඉඹිනකොට එයා කලේ මගෙ පපුවට තද වෙලා අඬපු එක. එදා ඉඳන් අද වෙනකොට අපි සෑහෙන දුරක් ඇවිත්. අද මන් එයාව ඉඹිනකොට එයා අඬන්නෙ නෑ. මාත් එක්ක හුරතල් වෙනවා මිසක්. මූණට වැටිලා තිබුණ කොණ්ඩ ගස් දෙකතුන කණ්ණාඩියට හොරෙන් උඩට දාගෙන සින්ක් එකට බර වෙලා එයාගෙ ලස්සන බලනවා. අවුරුදු පහකට විතර කලින් මම දවසක් මේ විදියටම එයා දිහා බලාගෙන හිටියා. එදා එයා ඇඳගෙන ඇවිත් හිටියෙත් විනිවිද පේන කොට ගවුමක්. ගවුමෙන් සුදු පාට තුවායට මාරු වෙන්න එයාට වැඩි වෙලාවක් නොගියෙ සුරංගනාවියක් ඉස්සරහා පාලනේ වෙන්න පුළුවන් හිතක් මට එදත් අද වගේම නොතිබුණ හින්දා.</i></b></p><p><b><i>මම හෙමිහිට ගිහින් එයාව පිටිපස්සෙන් තුරුල් කරගෙන කම්මුලක් හෙමින් ඉඹින්න ගත්තා. එදත් මෙහමමමයි.එයා ටිකකින් සින්ක් එක උඩින් ඉඳගෙන මාව ලඟට අරන් නොඉවසිල්ලෙන් වගේ සතුටු වුණා. නොසෑහෙන. ඒ මතකෙ එයාටත් තවම තියෙනවා කියලා මට දැනුණා. කම්මුල් දිගේ සීතලක් දැනෙනකොට මම ඇස් දෙක ඇරලා කණ්ණාඩියෙන් එයා දිහා බැලුවෙ ලෝබකමෙන්.</i></b></p><p><b><i>ඔව්, එයා අඬනවා.හරියටම අපි තුරුල් වුණ පළවෙනි දවසෙ වගේමයි. ඇස් දෙක පියාගෙන එයා අඬන දිහා එයාට තුරුල් වෙලා බලාගෙන ඉන්න මට මහ වෙලාවක් තව නෑ. එයාටත් එහෙමයි. තව පැය දෙකක්වත් අපිට නෑ.සමහරවිට අද මෙතනින් ගියාට පස්සෙ අපිට ආයෙ මුණගැහෙන්න වෙන එකක්ම නෑ.</i></b></p><p><b><i>"මාව ඇඳට එක්කන් යනවද මහත්තයෝ, වඩාගෙන " </i></b></p><p><b><i>එයා කදුළු වලට පයින් ගහලා හිනාවෙනවා. මම එයාව වඩාගෙන ඇවිත් ඇඳෙන් තියලා එහෙමම එයාට තුරුල් වෙද්දි වෙනදටනම් එයාගෙ කොණ්ඩෙ මගෙ මූණ පුරාවට වැහිලා යනවා. අද එහම කරදරයක් නෑ. </i></b></p><p><b><i>අපි එහෙමම අපේ ලෝකෙක පැයකට කිට්ටු වෙන්න ඉන්න ඇති. </i></b></p><p><b><i>"ට්රීං ට්රීං"</i></b></p><p><b><i>කාමරේ තිබ්බ ෆෝන් එකෙ සද්දෙට අපි දෙන්නම ඇස් ඇරියා. </i></b></p><p><b><i>"හෙලෝ"</i></b></p><p><b><i>"ලෙඩාව තියටර් එකට ගෙනියන්න වෙලාව හරි සර්"</i></b></p><p><b><i>ෆෝන් එක කණේ තියාගෙනම එයා දිහා බලනකොට කටුව වැහෙන්න ගහපු ප්ලාස්ටර් එකට බර වෙලා හිනාවෙලා,</i></b></p><p><b><i>"මම නැතුව පාළුවට තියෙයි ඔයාට"</i></b></p><p><b><i>කිව්වා.</i></b></p><p><b><i>~~ මයෝ ~~</i></b></p>Unknownnoreply@blogger.com0tag:blogger.com,1999:blog-4346932754463664741.post-15592895625114492972021-04-15T03:59:00.000-07:002021-04-15T03:59:09.111-07:00 පවාරණය !!!<p><b><i><span style="font-size: medium;">නුහුරු නුපුරුදු තපෝ වන මැද </span></i></b></p><p><b><i><span style="font-size: medium;">බවුන් වඩමින් උන්නු හින්දා</span></i></b></p><p><b><i><span style="font-size: medium;">පුරුදු සුපුරුදු ලදළු පහසින් </span></i></b></p><p><b><i><span style="font-size: medium;">සමවැදී උන් දැහැන් බින්දා</span></i></b></p><p><b><i><span style="font-size: medium;"><br /></span></i></b></p><p><b><i><span style="font-size: medium;">අගුළු දොරගුළු වසාගෙන හුන්</span></i></b></p><p><b><i><span style="font-size: medium;">මැදුර සුවපහසුවට තිබුණා</span></i></b></p><p><b><i><span style="font-size: medium;">විවර කල නෙත් පියන් අභිමුව</span></i></b></p><p><b><i><span style="font-size: medium;">සඳළුතල ඉරිතලා තිබුණා</span></i></b></p><p><b><i><span style="font-size: medium;"><br /></span></i></b></p><p><b><i><span style="font-size: medium;">විසුල මිහිතල ගිගුරුවාගත්</span></i></b></p><p><b><i><span style="font-size: medium;">සහන් පහසට අගුළු වැටුණා</span></i></b></p><p><b><i><span style="font-size: medium;">කුමට වැලපෙමි තපෝ වනයෙත්</span></i></b></p><p><b><i><span style="font-size: medium;">කුමර බඹසර නිබඳ බිඳුණා !!!</span></i></b></p>Unknownnoreply@blogger.com0tag:blogger.com,1999:blog-4346932754463664741.post-49472827151216432862021-04-15T03:58:00.001-07:002021-04-15T03:58:06.007-07:00 බෝ ගහ යටදි තන මිරිකුවා ජිනරතන !!!<p><b><i><span style="font-size: medium;"><br /></span></i></b></p><p><b><i><span style="font-size: medium;">"අඩෙහ්, දස්කොන් ප්රමිලා පට්ට ආදර කතාව නේද බන් ?"</span></i></b></p><p><b><i><span style="font-size: medium;">"මොකක්?, ඒක කොටුවක් පැනපු සීන් එකක් නෙමෙයිද? "</span></i></b></p><p><b><i><span style="font-size: medium;">කතාව පටන් ගත්ත තැනම ඉවර වෙලා බෝතලෙත් ඉවර හින්දා අපි ගෙවල් වල ආවා. දස්කොන් ප්රමිලා කතාව එච්චර පට්ට ආදර කතාවනම් එහා ගෙදර සුමනා අක්කා බණ්ඩයියා නැති වෙලාවක් බලලා සයිමන් අයියා එක්ක බැද්දට ගාටන එක අවලමේ යනවා වෙන හැටි මට පැහැදිලි මදි. ඒක ගැන කතාකරන්න ඉඩක් නොලැබුන හින්දා නිකමට කල්පනාකරන්න ගත්තා. එහෙම බලද්දි අපි කවි ලියපු, කතා ලියපු, චිත්රපටි හදපු, නිසදැස් ලියපු බහුතරයක් ආදර කතා අවලමේ ගියපුවා. </span></i></b></p><p><b><i><span style="font-size: medium;">ක්රිෂ්ණා බටලී වයන එකට වශී වෙලා රාධා එක්ක ආදරෙන් බැඳුනා. ඊට පස්සෙ දෙන්න විරසක වුණා. එතනින් පස්සෙ ක්රිෂ්ණා බටලී ගහන එක නවත්තලා රාධා වෙනුවෙන් බලන් ඉන්නවා වෙනුවට බටලී හඬට ඇදුන උන් එක්ක හෝපළු යහන් තලාවෙ අනන්තවත් සැතපුනා.අන්තිමට රාධා ආයෙත් කාලෙකට පස්සෙ ඇවිත් ඒ හෝපළු යහනෙම යහන්ගත වෙන එක එක්ක අපි කවි ලියන්න ගත්තා. එතකොට ක්රිෂ්ණා හොඳයි,හැබැයි සයිමා අවුල්. </span></i></b></p><p><b><i><span style="font-size: medium;">මුම්ටාස් වෙනුවෙන් සාජහන් හඳපු මාළිගාව එක්ක උන් දෙන්නගෙ ආදරේ ලන්සුවකට හේත්තු කරලා සාජහන් ඉවර කරනවා. මුම්ටාස්ගෙ නංගි එක්ක පවුල් කන්න පටන් ගන්නවා. අපි ටජ් මහල බලාගෙන තවම අඬනවා හපොයි ඒ ආදරේ කියලා. එතකොට සාජහන් හොඳයි, හැබැයි සයිමා අවුල්.</span></i></b></p><p><b><i><span style="font-size: medium;">ගෙදරට ඇවිත් ගෑණි උස්සගෙන යනකල් මුකුත් කරගන්න බැරුව, වානරයෙක් එවලා ගෑණි එක්කරගෙන ගිහින්, උස්සගෙන ගිහින් හිටිය කාලෙ උස්සන් ගිය එකා එක්ක නිදාගත්තෙ නෑ කියලා ඔප්පු කරපන් කියපු රාමගේ ආදර කතාව සුපිරි. ඒක තමා ආදරේ. එතකොට රාමා හොඳයි,හැබැයි සයිමා අවුල්. </span></i></b></p><p><b><i><span style="font-size: medium;">සීගිරියෙ ඇන්දෙ කාශ්යප රජතුමාගෙ බිසෝවරු ටිකනම්, ඔතන රජාට නොදැනුණ කතා තිබ්බෙ නෑ කියලා කොහොම පිළිගන්නද?සමහරවිට අතින්වත් අල්ලපු නැති, ඇස් කොනකින් ඉඟියක්වත් නොදුන්න, ටජ්මහල් හදන්න බැරි වුණ කතා තියෙන්නත් ඇති, වැනුවෙ නැතුවට පතරංගෙට කවි පොත් වල. හැබැයි සයිමත් අවුල්, අත නොතියා මල තලලා, පෙකණියට උඩින් ලපයක් තිබ්බනම් තවත් ලස්සනයි කියලා නොකියා, තියලා යන්න ගිය, චිත්ර ඇඳපු එකත් අවුල්.ඒවා අවලං, එවා කතා නෙමෙයි. ඒවට කවි නෑ ඕසෙට.</span></i></b></p><p><b><i><span style="font-size: medium;">මටනම් හිතෙන්නෙම ගෙට ගත්ත අධිකාරම එක්ක සෙල්ලම් රජාට හොරෙන් කරපු එක අහුවෙලා මැරෙන්න වෙච්ච එක ඇතුලෙ ඔය කියන තරම් කතාවක් තියෙනවනම් සයිමන් අයියගෙයි සුමනා අක්කගෙයි කතාවට කවි ගී ලියවෙනවා හොඳටෝම මදි කියලා. </span></i></b></p><p><b><i><span style="font-size: medium;">අහු වුණේම එකයි. ඒ " කෝමාරික, සිද්ධාර්ථ ". වැයුනත් මදි, ගැයුණත් මදිද මන්දා. කොහොම වුණත් ඉවර වෙච්ච විදිය තමා අපූරුම. </span></i></b></p><p><b><i><span style="font-size: medium;">"බෝ ගහ යටදි තන මිරිකුවා ජිනරතන,</span></i></b></p><p><b><i><span style="font-size: medium;">කෑ ගෑවාය මහ ගෑණිය වෙසඟ දින"</span></i></b></p><p><b><i><span style="font-size: medium;">~~ මයෝ ~~</span></i></b></p>Unknownnoreply@blogger.com0tag:blogger.com,1999:blog-4346932754463664741.post-68558305458734056682020-11-20T02:56:00.001-08:002020-11-20T02:56:05.071-08:00 සුමනෝ !!!<p><b><i><br /></i></b></p><p><b><i>සිදාදියෙ මහ තැනක</i></b></p><p><b><i>සීත කාමරයක කොනක</i></b></p><p><b><i>ලන්සුවට මැලවිලා</i></b></p><p><b><i>ගමට විත්</i></b></p><p><b><i>හඩන කල</i></b></p><p><b><i>පිහිට වූ බණ්ඩාට</i></b></p><p><b><i>කැන්දාන ආ රෑම</i></b></p><p><b><i>කන්දෙ ගෙයි සුමනා</i></b></p><p><b><i>ලන් වෙලා කිව්වේ</i></b></p><p><b><i>"දාඩියත් දාලා, </i></b></p><p><b><i>මේ ටිකට"</i></b></p>Unknownnoreply@blogger.com0tag:blogger.com,1999:blog-4346932754463664741.post-4382971186123308432020-11-20T02:54:00.004-08:002020-11-20T02:54:39.495-08:00නුබේ සිත්තර රමණ මුසපත් !!!<p><b><i> සිත්තරුන් දහක් නෙත්</i></b></p><p><b><i>ඉතසිතින් ගිලගත්</i></b></p><p><b><i>හසුන් නුඹ කල මත්</i></b></p><p><b><i>සිල්ලරට විකිණෙත්</i></b></p><p><b><i><br /></i></b></p><p><b><i>වතකමල රූමත්</i></b></p><p><b><i>සිගිරි බලකොටු පුරවත්</i></b></p><p><b><i>කාශ්යපට හිමි මුත්</i></b></p><p><b><i>සිත්තරෙක් නොම වෙයිද මුසපත්</i></b></p><p><b><i><br /></i></b></p><p><b><i>පින්සල් තුඩින් නුඹ</i></b></p><p><b><i>මගේ ලැම හස සෙමෙන් පිරි මැද</i></b></p><p><b><i>කරන පෙළහර සද</i></b></p><p><b><i>සිරියහන් ගැඹ කෙසේ විදිනද</i></b></p><p><b><i><br /></i></b></p><p><b><i>රහසක් කියන්නම්</i></b></p><p><b><i>කසපු රජ සිරියහන සුවපත්</i></b></p><p><b><i>කොපුල් තල පිරි නොමැදත්</i></b></p><p><b><i>නුබේ සිත්තර රමණ මුසපත්</i></b></p>Unknownnoreply@blogger.com0tag:blogger.com,1999:blog-4346932754463664741.post-71222697747143088542020-11-20T02:52:00.002-08:002020-11-20T02:52:16.183-08:00සයිමගෙ රගේ නිකමට වගෙ දැණුනා මට<p><b><i> කුඹුරු අක්කර ගනන් තිබුණනම් මැණිකේ</i></b></p><p><b><i>කැන්දාන එයිද උඹ හදපානෙ හනිකේ</i></b></p><p><b><i>කනටියෙන් ගෙට ගත්ත වී ටිකත් වික්කේ</i></b></p><p><b><i>කම්බාය අරගන්ට උඹ නැද්ද දැක්කේ</i></b></p><p><b><i><br /></i></b></p><p><b><i>නෑනට හොරෙන් සයිමා මෙහෙ ඇදෙනකොට</i></b></p><p><b><i>නෑනගෙ මූණ වැහි කෝඩෙන් වැහෙනකොට</i></b></p><p><b><i>නෑනගෙ පුසුඹ උඹ ගාවින් හමනකොට</i></b></p><p><b><i>සයිමගෙ රගේ නිකමට වගෙ දැණුනා මට</i></b></p><p><b><i><br /></i></b></p><p><b><i>නෑනට කලින් සයිමට උඹ හම්බෙන්නට තිබුණා</i></b></p><p><b><i>සයිමට කලින් මට නෑනව හම්බෙන්නට තිබුණා</i></b></p><p><b><i>එහෙමත් වෙලා සයිමා මෙහෙ ගාටන්නට තිබුණා</i></b></p><p><b><i>නෑනට වඩා එහෙනම් උඹ මට වටින්න තිබුණා</i></b></p>Unknownnoreply@blogger.com0