විහාරයේ විලාපයක්
අතුරු සිදුරු නැති සෙනඟක්
හීන්සැරේ බෝ මළුවට
කඳුළු වැටෙනවා
යකඩ කටෙන් එහා ගමට
පිරිත් කියනවා
මහ මළුවට ගිහින් ඇවිත්
සිල් රෙද්දට කර තියාන
ගං තුලානෙ කසු කුසු
සව් දියට පුරනවා
හීන්සැරේ බෝ මළුවට
කඳුළු වැටෙනවා
යකඩ කටෙන් එහා ගමට
පිරිත් කියනවා
අටපිරිකර මල් පළතුරු
බුරුතු පිටින් හිස තියාන
එහෙටත් නැති මෙහෙටත් නැති
හිමිට වඳිනවා
හීන්සැරේ බෝ මළුවට
කඳුළු වැටෙනවා
යකඩ කටෙන් එහා ගමට
පිරිත් කියනවා
No comments:
Post a Comment