මහන් හීරුනු සිල් රෙද්දෙ හිල් නූල් පොටකින් අමුණලා
සිල් ගන්න ගිය දාට පාළුයි ලිපෙත් ඇස් දෙක තෙත් වෙලා
මුට්ටියේ දංකුඩේ හූරන් රාජ භෝජන වළඳලා
බලන් ඉන්නට බැරිම තැන් වල බලන් හිටියලු අම්මලා
කාන්තාරෙක වැලි තලාවක තොල් හපාගෙන වැතිරිලා
වතුර එනකන් මිරිකගෙන වැලි මොණරු මල්ලක පටවලා
අරන් ඇවිදින් සව්දි චොකලට් ගෙදර උන් ටික සනසලා
බලන් ඉන්නට බැරිම තැන් වල බලන් හිටියලු අම්මලා
දානෙ අරගෙන ගිහින් එනකොට මූණ තිබුණෙම මැලවිලා
ණය පොතේ පිටු ඉරෙන ගානට කඩේ දොර අඩවල් කලා
දැලි පිහාගෙන උඩ බලාගෙන පිලේ අයිනක ඇලවෙලා
බලන් ඉන්නට බැරිම තැන්වල බලන් හිටියලු අම්මලා
No comments:
Post a Comment