ඉතින් අපි හිනැහෙමුද තව දවසක්
ඉතින් අපි සැනහෙමුද තව මොහොතක්
සඳත් ඇති අහසට වෙලා
අපේ මතකෙන් සැඟවිලා
පුරුදු කළුවරටම වෙලා
හඬනවා ඇති මඟ බලා
ඉතින් අපි කොඳුරමුද එක රහසක්
පැතුම් පොදිබැඳ අතින් අත අල්ලා
හිස් කතාවක මතක පොදි බැන්දා
දුරින් ඉඳගෙන නෙතින් නෙත පටලා
ආයෙමත් රහසින් සුසුම් හෙළුවා
සිතුම් අහසක ලිහිණි තටු සලලා
ගිගුම්ලන වැහි සිතුවමක ඇන්දා
සහන් සුළඟක මතක දිය කරවා
පාළුවේ හිත කෑ ගසා හැඬුවා
~~ මයෝ ~~
No comments:
Post a Comment