ගමට කලින් හිරු මුලුත්තැන් ගෙට වඩනා
ඒ හිරු එලියේ නැණ මල් පොඩි පිපුණා
ඒ මල් සුවදේ අද ලොව්තුරු සුව විදිනා
කලවැවේ නිල් දියවර අපෙ අම්මා
රෑ කලුවර අරගෙන දරුවන් එනතුරු
සිත නෑ නිවන් දකින්නේ
රෑ කලුවර ඇවිදින් ඉකිබිද හැඩුවත්
නෙත නෑ නිදි විද ගන්නේ
හෙට අරුණට සැරසෙන තව දවසක් ගැන
නින්දේ හීන දකින්නේ
මහමායාවෙනි කවදාදෝ ඔය නෙත්
දරු සෙනෙහසින් මිදෙන්නේ
වෙල් දෙනිවල ඇවිදින දෙපා රිදෙන විට
විහග ගීත බණ පද වේවා
බෝ මලුවක ඇවිලෙන පහන් වැටක් සේ
තුන් සිත නිවී සැදේවා.....
No comments:
Post a Comment