උබත් එක බිතු සිතුවමක්
කදුළු කියවන්නට වරම් නැති
හුඟක් බර හැඩ පිළිමයක්
නෙලන්නට අදටත් නිනව් නැති
හිතක් නැති තව හීනයක්
හැබෑවෙන පෙරුමන් පුරන්නැති
නිමක් නැති මහ ප්‍රේමයක්
දරාගෙන සුසුමක් හෙලන්නැති
මධු තුලාවක රස සුයාමෙක
මියුරු තෙපලන මානයක්
වීදියක කෙළවර පහන් වල
ඉකිබිඳින ඉම ස්නේහයක්
දිනක හමුවන විටෙක මැළැවෙන
මඟ වසාගත් ප්‍රේමයක්
මටත් හිමි නැති උබත් ලඟ නැති
මීවිතක තොල් සායමක්
ලියා කියවන ගොඩක් කවි වල
කියවුනේ නෑ ප්‍රේමයක්
හෙලාගෙන ගිය සුසුම් රැලි වල
හීන් අම මධු පානයක්
ගිගිරි සෙලවෙන කැකුළු මල් වල
කොයින් මනබැඳි තානමක්
උනා විසි කල දුහුල් සළු වල
නුරා අහසම හීනයක්
No comments:
Post a Comment