වැවට අපි දුක කියනවා
එයත් අහගෙන ඉන්නවා
අපි හොරෙන් ඉකි බිඳිනවා
වැවත් ඇඬුවද අහනවා
අපිට වැව බොරු කියනවා
කන්ද ඒ ගැන දන්නවා
වැව හොරෙන් ඇස් පිහිනවා
කන්ද තාමත් අඬනවා
බිංදු පිණි වැහි වැටෙනවා
කන්ද රූරා හැලෙනවා
වැවට හීතල දැනෙනවා
හීතලට අපි තෙමෙනවා
අපේ දුක වැව අහනවා
කන්ද තාමත් අඬනවා
මටත් හීතල දැනෙනවා
වැව බලාගෙන ඉන්නවා
හීන් හුළඟක් හමනවා
ඉරගලට ගතු කියනවා
කන්ද හොරැහින් බලනවා
වැවත් අහගෙන ඉන්නවා
අපිට දුක නෑ කියනවා
ආයෙමත් ඉකිබිඳිනවා
යන්න අවසර තියෙනවා
වැව බලාගෙන ඉන්නවා
~~ මයෝ ~~
No comments:
Post a Comment