දර ලිප අහක බලපන් උඹ පොඩ්ඩකට
අම්මට පිහින්නට දැලි ටික ඉක්මණට
ඉරගල වැටෙනකොට යායට කුස්සියට
කඳුළු වහන්නේ කොහොමද පැටවුන්ට
විරසක වෙලා ගිය අප්පච්චිට බැනලා
උන්දෑ අඬන්නෙම සෙත් කවියක් කියලා
දොල ලඟ කනත්තේ වල් ටික උගුලවලා
අපිටත් කියන්නෙම වැඳපන් දණ තියලා
කරුමෙක මහත අප්පච්චිට පෙනෙන්නැතී
නියරට මඬට අම්මට හුරු කරන්නැතී
හීයට දෙහීයට පෑගී නිමක් නැතී
කම්බායකට අපේ අම්මා නැහෙන්නැතී
No comments:
Post a Comment