නුඹත් ඇති මඟ බලාගෙන සඳ
ඇවිත් යන්නට එයි කියා
මමත් මේ මඟ බලන් ඉන්නේ
සබඳ තරු සඳ එයි කියා
නෑවිඳින්නම් ඉන්නෙපා
පුරා අවපස නුරා යහනට
කවට කෙළි මුමුණන තුරා
දරාගෙන ඇති නිනව් නොතියම
සිහිලසෙන් උණුහුම් වෙලා
පියාගෙන නෙතු මුවින් සිපගෙන
කවිපොතේ පිටුවක් පුරා
ලියාගෙන ඇති හැඟුම් අහසක
ගිඟුම් දෙන හුස්මක් තියා
සරා සඳ නුඹ කවුළු දොරකඩ
ඉඳන් හිනැහෙනවද බලා
මවාගෙන ඇති නිමක් නැතිවම
හීන වල හිස්තැන් තියා
බලාගෙන නොමියෙන අහස්කුස
හීන්සැරයෙන් කොඳුරලා
අහනවා ඇති සබඳ නුඹ තව
පමා වෙන්නේ ඇයි කියා
~~ මයෝ ~~
No comments:
Post a Comment